> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# വിഷു പുലരിക്ക് ഒരു രാവ്, കണിയൊരുക്കാൻ നാട്
- URL: https://www.vaikomvartha.com/vissu-pulrikk-oru-ravu/
- Published: 2026-04-14T15:27:56.000Z
- Updated: 2026-04-14T15:27:56.000Z
- Description: എസ്. സതീഷ്കുമാർ
- Author:  Vaikom Vartha News Desk
- Tags: Latest News

വൈക്കം: വിഷുദിന തലേന്ന് കണിക്കൊന്ന പൂക്കളും കൃഷ്ണവിഗ്രഹങ്ങളും കണിവെള്ളരിയും വിപണികൾ സജീവം  
വിഷു പുലരിയിലേക്ക് ഇനി ഒരു രാവ് മാത്രമുള്ളപ്പോൾ വിഷു കണികണ്ടുണരാൻ കൃഷ്ണ വിഗ്രഹങ്ങളും കണികൊന്ന പൂക്കളും ഒപ്പം വിഷുസദൃ കൂട്ടങ്ങളുമായി വൈകിട്ടോട്ടെ വിപണികൾ ഏറെ സജീവമായി. 

0:00 

/1:32 

1× 

നേരെത്തെ തന്നെ മഞ്ഞവിരിച്ച കണിക്കൊന്നകൾ പലതും പൂക്കൾ കൊഴിച്ചപ്പോൾ, ബാക്കിയായ പൂക്കളുമായി വിഷു തലേന്ന് നിരത്തോരങ്ങളിൽ കച്ചവടക്കാർ നിരന്നു. രണ്ടോ മൂന്നൊ ഞെട്ട് പൂവിന് തൊട്ടാൽ പൊള്ളും വിലയാണ് തലേന്ന്. നാട് വേനലിൽ മഞ്ഞ വിരിച്ച പൂക്കൾ നാടാകെ കൊതിതീർന്ന് കണ്ടു നടന്നിട്ടും വിഷു തലേന്ന് കണിക്കൊന്നയുടെ വിലയറിയുന്ന നിമിഷം. എങ്കിലും ഒഴിവാക്കാനാവില്ലല്ലോ ഈ മഞ്ഞ കണിയെ. വിഷുവാണ് നാളെ. വിഷുകണിയാണ് പുലർകാലകാഴ്ച. അപ്പോഴാണ് ഓർമ്മ വന്നത് കണിയൊരുക്കാൻ കൃഷ്ണ രൂപം വേണം. അതും റെഡിയാണ്. വഴിയോര വിപണിയിൽ അടക്കം കിട്ടു കൃഷ്ണരൂപങ്ങൾ. പല നിറങ്ങളിലായി വ്യത്യസ്ഥ രൂപത്തിലും വലുപ്പത്തിലുമുള്ള വിഗ്രഹങ്ങളാണ് വിപണിയിലെത്തിയത്. വെണ്ണ തിന്നുന്ന ഉണ്ണിക്കണ്ണൻ, രാധയോട് ഒപ്പമുള്ള കൃഷ്ണൻ, ഗോക്കളെ മേയ്ക്കുന്ന കൃഷ്ണൻ, ഉറി അടിക്കുന്ന കൃഷ്ണൻ ഓടക്കുഴൽ വായിക്കുന്ന കണ്ണൻ എന്നിങ്ങനെ കൃഷ്ണ രൂപങ്ങൾ തുടങ്ങി പല രൂപത്തിലും ഭാവത്തിലുമാണ് വിപണിയിലുള്ളത്. പേപ്പർ പൾപ്പ്, പ്ലാസ്റ്റർ ഓഫ് പാരിസ് എന്നിവ ഉപയോഗിച്ച് നിർമിച്ചവയ്ക്കാണ് വിലകുറവ്. നിർമാണവും വിപണനവും എല്ലാമായി തലയോലപറമ്പ് ആശുപത്രികവലക്ക് സമീപം റോഡരുകിൽ കൃഷ്ണ രൂപങ്ങളാൽ നിറച്ചിരിക്കുകയാണ് കച്ചവടക്കാർ. 160 രൂപ മുതൽ 3500 രൂപ വരെ വിലവരും ഇവക്ക്. ഒരടി മുതൽ രണ്ടര അടി വരെ ഉയരമുള്ള വിഗ്രഹങ്ങളുണ്ട്. കണിയൊരുക്കാൻ അത്യാവശ്യം വേണ്ട രണ്ട് കാര്യങ്ങളായി. ദീർഘനിശ്വാസമുമായി നിവരുമ്പോഴാണ് വിഷുസദ്യക്ക് വേണ്ട വിഭവങ്ങൾ ഓർമ്മയിലെത്തിക്കുന്നത് വീട്ടുകാർ. വിഷുസദ്യക്ക് വേണ്ട പച്ചക്കറിക്കൊപ്പം കണിയൊരുക്കാനുള്ള കണിവെള്ളരി അടക്കമുള്ള ഫലവർഗങ്ങളും കിട്ടും. പിന്നെ വിഷു സദ്യക്കുള്ള സാധനങ്ങൾ വാങ്ങാനുള്ള ഓട്ടമാണ്. അപ്പോൾ പിന്നെ പടക്കം മാത്രം ഒഴിവാക്കാനാവില്ലൊ. വിഷു തലേന്ന് നമ്മുടെ നാട് ഇങ്ങനെയാണ്. മറന്നു... വിഷു കൈനീട്ടം... കുറച്ച് പുത്തൻ നാണയങ്ങളൊ, പുത്തൻ നോട്ടുകളൊ വേണ്ടെ... നോക്കാം... ബാങ്കിൽ കാശുണ്ടെങ്കിൽ എ.ടി.എം മെഷ്യനിൽ കുത്തിയാൽ ബാങ്കുകാര് അറിഞ്ഞ് വച്ചിട്ടുണ്ടാവും... അപ്പോ അങ്ങനെ അതുമായി... മലയാളി വിഷു ആഘോഷത്തിന് ഒരുങ്ങിക്കഴിഞ്ഞു ഈ ആദ്യ മേട രാവ് എത്തിയപ്പോൾ തന്നെ... തുല്യതയുടെ, പ്രകൃതിയുടെ, മനുഷ്യൻ്റെ കാർഷികാദ്ധ്വാനത്തിൻ്റെ, വിളവിൻ്റെ സമ്പന്നതയുടെ, സമൃദ്ധിയുടെ, പങ്കുവയ്ക്കലിൻ്റെ, തിൻമയുടെ മേലുള്ള നൻമയുടെ വിജയത്തിൻ്റെ വിഷു അത് നാളെയാണ്.