എറണാകുളം: അങ്കമാലിയിൽ വൻ ലഹരിവേട്ട: അങ്കമാലി എക്സൈസിൻ്റെ മിന്നൽ ഓപ്പറേഷനിൽ 110 കിലോ കഞ്ചാവ് പിടികൂടി. നാല് പേരെ അറസ്റ്റ് ചെയ്തു. ഇതര സംസ്ഥാന തൊഴിലാളികളായ ബൽഭദ്ര ധരുവ, ലക്ഷ്മൺ പത്ര, തരസ്വർ പത്ര, പ്രദീപ് ഘഡെയ് എന്നിവരെയാണ് കഞ്ചാവുമായി എക്സൈസ് സംഘം പിടികൂടിയത്.

അങ്കമാലി എക്സൈസ് റേഞ്ച് സംഘത്തിൻ്റെ നേതൃത്വത്തിലാണ് പരിശോധന നടത്തി കഞ്ചാവ് പിടിച്ചെടുത്തത്. അഞ്ച് വർഷത്തിനിടയിലെ കേരളത്തിലെ ഏറ്റവും വലിയ കഞ്ചാവ് വേട്ടകളിലൊന്നാണ് ഇന്ന് നടന്നതെന്നാണ് വിവരം. നാല് പേരും ഒഡീഷ സ്വദേശികളാണെന്നും, നാലുപേരും മറ്റു സംസ്ഥാനങ്ങളിൽ നിന്നും കഞ്ചാവ് കടത്തിക്കൊണ്ടുവരുന്ന സംഘത്തിലെ അംഗങ്ങളാണെന്നാണ് പ്രാഥമിക അന്വേഷണത്തിൽ വ്യക്തമായിട്ടുണ്ടെന്ന് എക്സൈസ് സംഘം അറിയിച്ചു.