​ബെംഗളൂരു: ഐ.ടി നഗരമായ ബെംഗളൂരുവില്‍ താമസിക്കുന്നവര്‍ക്ക് ബെംഗളൂരു ജലവിതരണ-മലിനജല ബോര്‍ഡിന്റെ (ബി.ഡബ്ല്യു.എസ്.എസ്.ബി) സുപ്രധാന മുന്നറിയിപ്പ്. കാവേരി സ്റ്റേജ് അഞ്ച് പദ്ധതിയുടെ ഭാഗമായുള്ള പ്രധാന പൈപ്പ് ലൈനിലെ വാല്‍വിലുണ്ടായ ചോര്‍ച്ച പരിഹരിക്കാന്‍ അടിയന്തര അറ്റക്കുറ്റപ്പണികള്‍ നടത്തുന്നതിനാല്‍ നഗരത്തിന്റെ വിവിധ ഭാഗങ്ങളില്‍ വെള്ളിയാഴ്ച കുടിവെള്ള വിതരണം പൂര്‍ണ്ണമായും മുടങ്ങും. ജൂലൈ 31 വെള്ളിയാഴ്ച രാവിലെ 6 മണി മുതല്‍ രാത്രി 9 മണി വരെ നീളുന്ന 15 മണിക്കൂര്‍ നീണ്ട കുടിവെള്ള തടസ്സമാണ് പ്രഖ്യാപിച്ചിരിക്കുന്നത്. 3,000 മില്ലിമീറ്റര്‍ വിസ്തൃതിയുള്ള കൂറ്റന്‍ ട്രാന്‍സ്മിഷന്‍ പൈപ്പ് ലൈനിലെ സ്‌കൂല്‍ വാല്‍വിലാണ് ചോര്‍ച്ച കണ്ടെത്തിയിരിക്കുന്നത്. ഇത് ശരിയാക്കുന്നതിനായി പമ്പിങ് സ്റ്റേഷൻ ദിവസം മുഴുവൻ അടച്ചിടാൻ അധികൃതർ തീരുമാനിക്കുകയായിരുന്നു.

​നഗരത്തിലെ പ്രധാനപ്പെട്ട നിരവധി പ്രദേശങ്ങളെ ഈ നിയന്ത്രണം നേരിട്ട് ബാധിക്കും. രാവിലെ 6 മണിക്ക് തന്നെ പൈപ്പ് ലൈനുകള്‍ അടയ്ക്കുന്നതിനാല്‍ വീടുകളിലും ഓഫീസുകളിലും ഉള്ളവര്‍ ആവശ്യത്തിന് വെള്ളം മുന്‍കൂട്ടി സംഭരിച്ചു വെക്കേണ്ടതാണ്. അറ്റക്കുറ്റപ്പണികള്‍ പൂര്‍ത്തിയാകും വരെ ലഭ്യമായ വെള്ളം പരമാവധി കരുതലോടെയും അത്യാവശ്യത്തിന് മാത്രം ഉപയോഗിക്കാനും അധികൃതർ അഭ്യർത്ഥിച്ചു.

കുടിവെള്ള വിതരണ തടസ്സം ബാധിക്കുന്ന എല്ലാ പ്രധാന പ്രദേശങ്ങളുടെയും പൂർണ്ണമായ വിവരങ്ങൾ താഴെ നൽകുന്നു:

​ഉത്തര, ഈശാന ബെംഗളൂരു മേഖലകൾ

ദാസറഹള്ളി, റേച്ചനഹള്ളി, അനന്തപുര, ദൊഡ്ഡബെട്ടഹള്ളി, ചിക്കബെട്ടഹള്ളി, ഹരോഹള്ളി, കെഞ്ചനഹള്ളി, ഗോവിന്ദപുര, വാസുദേവപുര, മഞ്ചനഹള്ളി, കട്ടിഗേനഹള്ളി, ശ്രീനിവാസപുര, ബെല്ലഹള്ളി, തിരുമേനഹള്ളി, ചൊക്കനഹള്ളി, തനിസാന്ദ്ര, ചല്ലേക്കെരെ, പുറമാവ് ആഗ്ര, അമാനി, ബൈരതി ഖാനെ, ഗെദ്ദലഹള്ളി, കോതനൂര്‍ നാരായണപുര, കോതനൂര്‍, എൻ. നാഗേനഹള്ളി, കൈലാസനഹള്ളി, ബൈരതി, കെ. ചന്നസാന്ദ്ര, വാരണാസി.

​കിഴക്കൻ ബെംഗളൂരു & ഐടി കോറിഡോർ മേഖലകൾ

ഗുഞ്ചൂര്‍, കടുബീസനഹള്ളി, വര്‍ത്തൂര്‍, പാണത്തൂര്‍, ബാലഗെരെ, ബെല്ലന്ദൂര്‍ അമനികെരെ, ബെലത്തൂര്‍, ബെന്നസാന്ദ്ര, ദേവരബീസനഹള്ളി, അഗദൂര്‍, കായമ്മന അഗ്രഹാര, കാഡുഗോഡി പ്ലാന്റേഷൻ, കാണേകാണ്ഡ്യ, കുംബേന അഗ്രഹാര, നഗോണ്ടനഹള്ളി, രാമഗൊണ്ടനഹള്ളി, സിദ്ധപുര, സൊറഹുനസെ, തുബറഹള്ളി, അംബാലിപുര, ബെല്ലന്ദൂര്‍, അരലൂര്‍, ജുനസാന്ദ്ര, കൈക്കൊണ്ടഹള്ളി, കസവനഹള്ളി, കൂട്ലു, ഭരതേന അഗ്രഹാര, ബോഗനഹള്ളി, ചിക്കബെല്ലന്തൂര്‍, ദൊഡ്ഡകന്നള്ളി, ദൊഡ്ഡതോഗുരു.

​വടക്കുപടിഞ്ഞാറൻ & പടിഞ്ഞാറൻ ബെംഗളൂരു മേഖലകൾ

അബ്ബിഗെരെ, ചിക്കസാന്ദ്ര, ഷെട്ടിഹള്ളി, കരിഹോബനഹള്ളി, അന്ധ്രഹള്ളി, മാദരഹള്ളി, ദൊഡ്ഡബിദരകല്ല്, ഹെറോഹള്ളി, ഹൊസഹള്ളി, ഉള്ളാലു സൊന്നേനഹള്ളി, ഗിഡഡകോണനഹള്ളി.

​തെക്കൻ & തെക്കുപടിഞ്ഞാറൻ ബെംഗളൂരു മേഖലകൾ

ഉത്തരഹള്ളി, സുബ്രഹ്‌മണ്യപുര, കലേന അഗ്രഹാര, ഹെമ്മിഗെപുര, ലിംഗധീരനഹള്ളി, കൽക്കെരെ, വസന്തപുര, ഗണകല്ലു, സോമപുര, വാരസാന്ദ്ര, മാനവര്‍ത്തകവലു, അരേനഹള്ളി, വഡ്ഡരപാലയ, ഗുബ്ബലാല, തുറഹള്ളി, അലഹള്ളി, അഞ്ജനപുര, ബസപുര, ബസവനപുര, ബേഗൂര്‍, ചന്ദ്രശേഖരപുര, ദൊഡ്ഡകല്ലസന്ദ്ര, ഗൊല്ലഹള്ളി, ഗോട്ടിഗെരെ, കമ്പത്തഹള്ളി, കമ്മനഹള്ളി, പില്ലഗനഹള്ളി, രഘുവനഹള്ളി, തലഘട്ടപുര, തിപ്പസാന്ദ്ര, വജ്രഹള്ളി, യെലേനഹള്ളി, ചിക്കത്തോഗുരു, നാഗനാഥപുര, പരപ്പന അഗ്രഹാര.