അനധികൃത മണ്ണെടുപ്പും നിലംനികത്തലും: വ്യാജന്മാരെ പിടികൂടാൻ താലൂക്കുകളിൽ പ്രത്യേക പരിശോധന

കോട്ടയം: അവധി ദിവസങ്ങളിൽ അനധികൃതമായി പാറയും മണ്ണും ഖനനം ചെയ്യുകയും കടത്തിക്കൊണ്ടുപോകുകയും നിലം നികത്തുകയും ചെയ്യുന്നവർക്കെതിരെ കർശന നടപടിയെന്ന് ജില്ലാ കളക്ടർ ചേതൻകുമാർ മീണ അറിയിച്ചു. അവധി ദിവസങ്ങളിൽ ഇത്തരം നിയമവിരുദ്ധ പ്രവർത്തനങ്ങൾ നടത്താനുള്ള സാധ്യത കണക്കിലെടുത്ത് എല്ലാ താലൂക്കുകളിലും പ്രത്യേക സ്‌ക്വാഡുകൾ രൂപീകരിച്ച് പരിശോധന നടത്തും. നിയമലംഘനം കണ്ടെത്തിയാൽ നടപടി സ്വീകരിക്കാൻ തഹസിൽദാർമാർക്ക് നിർദേശം നൽകിയതായി കളക്ടർ അറിയിച്ചു. നിയമലംഘനങ്ങൾ ശ്രദ്ധയിൽപെട്ടാൽ പൊതുജനങ്ങൾക്ക് താലൂക്ക് തലത്തിലുള്ള ഉദ്യോഗസ്ഥരെ വിവരമറിയിക്കാം. സാധിക്കുമെങ്കിൽ പരാതികൾക്കൊപ്പം ഫോട്ടോ, വീഡിയോ തെളിവുകളും സ്ഥലത്തിന്റെ വിവരങ്ങളും നൽകാം. അറിക്കേണ്ട ഫോൺ നമ്പറും ഇ മെയിലും

ചങ്ങനാശേരി-9447124237, 0481-2420037
കാഞ്ഞിരപ്പള്ളി-9447193631, 04828-202331
കോട്ടയം-9447196807, 0481-2568007
മീനച്ചിൽ-9447161232, 0482-2212325
വൈക്കം-9447139331, 04829-231331

miningcomplaintsktm@gmail.com എന്ന ഇ-മെയിൽ വിലാസത്തിലും വിവരമറിയിക്കാം. ലഭിക്കുന്ന പരാതികളിൽ ഉദ്യോഗസ്ഥർ അടിയന്തര പരിശോധന നടത്തി തുടർ നടപടികൾ സ്വീകരിക്കും.