വൈക്കം: തലയാഴം എൻ.എസ്.എസ്. സ്കൂളിന് സമീപം കാറും മോട്ടോർ സൈക്കിളും കൂട്ടിയിടിച്ച് പരിക്കേറ്റു. ടി.വി. പുരം മോഴിക്കോട് ക്ഷേത്രത്തിലെ മേൽശാന്തി കൊതവറ മണിമല വീട്ടിൽ എം.ഡി. മനു പ്രസാദിനാണ് (40) അപകടത്തിൽ പരിക്കേറ്റത്.

ഗുരുതരമായി പരിക്കേറ്റ മനുപ്രസാദിനെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ഇന്നലെ രാത്രി 9.30 ന് വൈക്കം ഗൗരി ശങ്കരം ഓഡിറ്റോറിയത്തിൽ നടന്ന എൻ.ഡി.എയുടെ തിരഞ്ഞെടുപ്പു പ്രചാരണ യോഗത്തിൽ പങ്കെടുത്ത് മടങ്ങവേയാണ് അപകടം ഉണ്ടായത്. വെച്ചൂർ ഭാഗത്ത് നിന്ന് വൈക്കത്തേക്ക് വന്ന കാറാണ് മോട്ടോർ സൈക്കിളുമായി കൂട്ടിയിടിച്ചത്.