എസ്. സതീഷ്കുമാർ

കോട്ടയം: മോനിപ്പള്ളിയിൽ കാറും കെ.എസ്.ആർ.ടി.സി. ബസ്സും കൂട്ടിയിടിച്ച് മൂന്നുപേർ മരിച്ചു. മൂന്നു പേർക്ക് പരുക്കേറ്റു. 11 മണിയോടുകൂടിയായിരുന്നു അപകടം. മോനിപ്പള്ളിക്കും കൂത്താട്ടുകുളത്തിനും ഇടയിൽ ആറ്റിക്കലിൽ എം.സി റോഡിലാണ് അപകടമുണ്ടായത്. നീണ്ടൂർ ഓണം തുരത്ത് കറുപ്പൻ പറമ്പിൽ സുരേഷ് കുമാർ ആണ് മരിച്ചതിൽ ഒരാൾ.

ബാക്കിയുള്ളവരുടെ പേര് വിവരങ്ങൾ ലഭ്യമായിട്ടില്ല. കോട്ടയം കൂത്താട്ടുകുളം സർവ്വീസ് നടത്തുന്ന ഓർഡിനറി ബസ്സാണ് കാറുമായി കൂട്ടിയിടിച്ചത്. കൂത്താട്ടുകുളത്ത് നിന്ന് ഫയർഫോഴ്സ് എത്തിയാണ് വാഹനത്തിൽ ഉണ്ടായിരുന്നവരെ പുറത്തെടുത്തത്. അപകടത്തിൽ കാറിലുണ്ടായിരുന്ന എട്ട് വയസുള്ള ഒരു കുട്ടിയും സ്ത്രീയും മരിച്ചിട്ടുണ്ട്.