കുലശേഖരമംഗലം തേവലക്കാട്ട് ശ്രീധന്വന്തരി ക്ഷേത്രത്തിൽ നടന്ന ഔഷധ സേവയും ഔഷധ കഞ്ഞി വിതരണവും ഭക്തിസാന്ദ്രമായി

വൈക്കം: കുലശേഖരമംഗലം തേവലക്കാട്ട് ശ്രീധന്വന്തരി ക്ഷേത്രത്തിൽ രാമായണ മാസത്തോടനുബന്ധിച്ച്‌  നടന്ന ഔഷധ സേവയും  ഔഷധ കഞ്ഞി വിതരണവും ഭക്തിസാന്ദ്രമായി. ക്ഷേത്രം മേൽശാന്തി യദുകൃഷ്ണൻ ഓഷധ സേവക്ക് കാർമികനായി. പ്രകൃതിയിൽ നിന്നും ലഭിച്ച 64 ഔഷധങ്ങൾ ചേർത്ത് ഒരുക്കിയ ഔഷധ മരുന്നും  കഞ്ഞിയും സേവിക്കാൻ നിരവധി ഭക്തരും ക്ഷേത്രത്തിലെത്തിയിരുന്നു. ക്ഷേത്രത്തിൽ കഴിഞ്ഞ 25 വർഷമായി കർക്കിടക മാസത്തിൽ ഔഷധസേവയും ഔഷധ കഞ്ഞിയും നടന്നു വരുന്നുണ്ട്. ക്ഷേത്രം പ്രസിഡൻ്റ് വി. ആർ. വിശ്വനാഥൻ, സെക്രട്ടറി മനോജ്, പി.ആർ. രാധാകൃഷ്ണൻ , ബി.രാജൻ, വി.എം. ബാബു, ശശിധരൻ പിളള, എം.വി.ഷാജി, കെ. അരുൺ , പി.പി. ബാബു എന്നിവർ ചടങ്ങുകൾക്ക് നേതൃത്വം നൽകി.