ലോക നന്മയ്ക്കു വേണ്ടിയുള്ള കണ്ണാടിയിലെ പ്രണവ പ്രതിഷ്ഠ - ഗുരുദേവന്റെ ദീര്ഘ വീക്ഷണം ജസ്റ്റീസ് എന്. നഗരേഷ്
വൈക്കം: ദൈവത്തെക്കുറിച്ചറിയുവാനും മനുഷ്യരേ നന്മയിലേയ്ക്ക് നയിക്കുവാനും ഗുരുദേവന് കണ്ണാടിയില് പ്രണവ പ്രതിഷ്ഠ നടത്തിയത് ലോക നന്മയ്ക്കുവേണ്ടിയുള്ള ദീര്ഘ വീക്ഷണത്തോടെയാണെന്ന് ജസ്റ്റീസ് എന്. നഗരേഷ് പറഞ്ഞു. ഉല്ലല ഓംകാരേശ്വരം ക്ഷേത്രത്തിലെ കുംഭ ഭരണി മഹോത്സവത്തോടനുബന്ധിച്ച് നടത്തിയ ശ്രീ നാരായണ കണ്വെന്ഷന് ഉദ്ഘാടനം ചെയ്യുകയായിരുന്നു അദ്ദേഹം. സമ്മേളനത്തില് ദേവസ്വം പ്രസിഡന്റ് പി.വി. ബിനേഷ് അദ്ധ്യക്ഷത വഹിച്ചു. എസ്.എന്. ട്രസ്റ്റ് ബോര്ഡ് മെമ്പര് പ്രീതി നടേശന് അനുഗ്രഹ പ്രഭാഷണം നടത്തി. എസ്.എന്.ഡി.പി. യൂണിയന് സെക്രട്ടറി എം.പി. സെന്, ദേവസ്വം സെക്രട്ടറി കെ.വി. പ്രസന്നന്, ടി.പി. സുഖലാല്, വി.ഡി. സന്തോഷ്, എന്.എന്. പവനന്, കെ.എസ്. പ്രീജു എന്നിവര് പ്രസംഗിച്ചു.
