യു എ ഇ വിമാന സർവ്വീസുകൾ ഭാഗികമായി പുനരാരംഭിച്ചു

അബുദാബി: പശ്ചിമേഷ്യാ സംഘർഷങ്ങളെ തുടർന്ന് നിർത്തി വെച്ച വിമാന സർവ്വീസുകൾ യു.എ.ഇ ഭാഗികമായി പുനരാരംഭിച്ചു. അബുദാബിയിൽ നിന്നും ലണ്ടൻ, ആംസ്റ്റർ ഡാം സർവ്വീസുകൾ വൈകീട്ട് പുറപ്പെട്ടു. ദുബായിയിൽ നിന്നും ബംഗ്ലാദേശിലെ ധാക്കാ ഉസ്ബെക്കിസ്ഥാനിലെ സമർഖണ്ഡ് എന്നിവടങ്ങളിലേക്കും വിമാന സർവ്വീസ് നടന്നു. ചൊവ്വാഴ്ച ഉച്ചയോടെ മറ്റു സർവ്വീസുകളും പുനരാരംഭിക്കുമെന്നാണ് സൂചന. വിമാന കമ്പനികളുടെ അറിയിപ്പ് ലഭിച്ചവർ മാത്രം വിമാനത്താവളങ്ങളിൽ എത്തണമെന്ന് അധികൃതർ അറിയിച്ചു.