മറവൻതുരുത്ത്: എസ്.എൻ.ഡി.പി യോഗം 648 -ാം നമ്പർ മറവൻതുരുത്തു ശാഖയുടെ 4-ാമത് ഗുരുദേവ പ്രതിഷ്ഠാ വാർഷികോത്സവത്തിനു തുടക്കമായി.
ഇന്നു വൈകിട്ട് അഞ്ചിന് പഞ്ഞിപ്പാലത്തുനിന്നും ആരംഭിച്ച ഘോഷയാത്ര എസ്.എൻ.ഡി.പി വൈക്കം യൂണിയൻ പ്രസിഡൻ്റ് പി.വി ബിനേഷ് പ്ലാത്താനത്ത് ഉദ്ഘാടനം ചെയ്തു.
വാദ്യമേളങ്ങളുടെ അകമ്പടിയോടെ പീതപതാകകളും മുത്തുക്കുടകളുമേന്തി ആറു കുടുംബ യൂണിറ്റുകളിൽ നിന്നായി നൂറുകണക്കിന് ശാഖാ അംഗങ്ങൾ ഘോഷയാത്രയിൽ അണിനിരന്നു. ഘോഷയാത്രയ്ക്ക് ശാഖായോഗം സെക്രട്ടറി ഇൻ ചാർജ് എം.ആർ. ലെനിൻ, പ്രസിഡൻ്റ് എൻ.സി. അശോകൻ, കമ്മറ്റിയംഗങ്ങൾ എന്നിവർ നേതൃത്വം നൽകി.