ബന്ദി കൃഷിക്ക് തുടക്കമാവുന്നു

വൈക്കം: സംസ്ഥാന ഹോർട്ടികൾച്ചർ മിഷനും വൈക്കം ബ്ലോക്ക് പഞ്ചായത്തും സംയുക്തമായി ഉദയനാപുരം പഞ്ചായത്തിൽ ബന്ദി കൃഷിക്കായുള്ള തൈകളുടെ വിതരണം നടത്തി. സ്വയം സഹായ സംഘങ്ങളുടെ നേതൃത്വത്തിലാണ് ബന്ദി കൃഷി നടത്തുന്നത്. പഞ്ചായത്ത് പ്രസിഡൻ്റ് കെ.ജി. രാജു ബന്ദി തൈകളുടെ വിതരണം നടത്തി.

കൃഷി ഓഫീസർ ആർ. സിദ്ധാർത്ഥ് പദ്ധതി വിശദീകരണം നടത്തി. ബ്ലോക്ക് പഞ്ചായത്ത് അംഗം എം.ജി രഞ്ജിത്ത് അദ്ധ്യക്ഷത വഹിച്ചു. ജനപ്രതിധികളായ പി.എസ് നൗഫൽ, രഞ്ജനാ സുനിൽ, കെ. ദീപേഷ്, ജസീനാ ഷാജുദീൻ, വി. ബിൻസ്, ഗീതാ ഷാജി, സൗമ്യാ സനീഷ്, ആജിഷാ ഉദയകുമാർ, സുമേഷ് കൊല്ലേരി, തുടങ്ങിയവരും പങ്കെടുത്തു. ഓണക്കാലത്ത് പഞ്ചായത്തിലെ വീടുകൾക്കാവശ്യമായ ബന്ദിപൂക്കൾ ലഭ്യമാക്കുക എന്ന ലക്ഷ്യത്തോടെയാണ് പഞ്ചായത്തിൽ ബന്ദി കൃഷി നടത്തുന്നത്.