വൈക്കം: നായർ ഐക്യവേദി കേന്ദ്രകമ്മിറ്റിയിൽ നിന്നും വൈക്കം തോട്ടകം പുത്തൻ പുരയിൽ ശിവപ്രസാദിൻ്റെ ഭവന നിർമ്മാണം പൂർത്തീകരിക്കുന്നതിനായി ധനസഹായമായി നൽകിയ രണ്ട് ലക്ഷം രൂപയുടെ ചെക്ക് നായർ ഐക്യവേദി കോട്ടയം ജില്ലാ ചെയർമാൻ വൈക്കം ഗോപകുമാർ കൈമാറി. തോട്ടകം ഗന്ധർവ്വങ്കൽ ക്ഷേത്ര സന്നിധിയിൽ വച്ച് നടന്ന ചടങ്ങിൽ ജില്ലാ കമ്മിറ്റി അംഗങ്ങളായ വിനോദ് കുമാർ, കൃഷ്ണകുമാർ, ഷിബു ഗോപിനാഥ്, വനിതാ വിഭാഗം കൺവീനർമാരായ വിജയകുമാരി, ഉഷ, മഞ്ജു എന്നിവർ പ്രസംഗിച്ചു.