കനത്ത മഴയിൽ മതിലിടിഞ്ഞുവീണ് സഹോദരങ്ങൾക്ക് ദാരുണാന്ത്യം

കാസർകോട്: ആദൂരിൽ കനത്ത മഴയ്ക്കിടെ മതിലിടിഞ്ഞുവീണ് സഹോദരങ്ങൾക്ക് ദാരുണാന്ത്യം. ഗുരുതരമായി പരുക്കേറ്റ ഒരു കുട്ടിയെ സ്വകാര്യ ആശുപത്രിയിൽ പ്രവേശിപ്പിച്ചു.

വീടിനോട് ചേർന്നുള്ള മതിലാണ് ഇടിഞ്ഞുവീണത്. ആദൂർ പി.എച്ച്.സിക്ക് സമീപം താമസിക്കുന്ന അബൂബക്കറിൻ്റെ മക്കളായ എട്ട് വയസുകാരൻ മുസമ്മിൽ അഞ്ച് വയസുകാരൻ മുൻസിർ എന്നിവരാണ് മരിച്ചത്. അപകടത്തിൽ ഒൻപത് വയസ്സുകാരനായ മറ്റൊരു കുട്ടിക്ക് ഗുരുതരമായി പരുക്കേറ്റിട്ടുണ്ട്. വലിയ മതിൽ തകർന്നാണ് കുട്ടികളുടെ ശരീരത്തിലേക്ക് കല്ലുകൾ വീണത്. ആശുപത്രിയിൽ എത്തിച്ചെങ്കിലും രണ്ടുപേരുടെ ജീവൻ രക്ഷിക്കാനായില്ല. ജില്ലയിൽ ശക്തമായ മഴ തുടരുകയാണ്.