ഉദയനാപുരം പഞ്ചായത്തിലെ താഴ്ന്ന പ്രദേശങ്ങളിൽ വെള്ളം കയറി

വൈക്കം: ഉദയനാപുരം പഞ്ചായത്തിലെ താഴ്ന്ന പ്രദേശങ്ങളിലെ വീടുകളിൽ വെള്ളം കയറി. കരിയാറിലും മൂവാറ്റുപുഴയാറിലും മൂവാറ്റുപുഴയാറിൻ്റെ കൈവഴികളിലും കിഴക്കൻ വെള്ളത്തിൻ്റെ വരവായതോടെ ജല നിരപ്പ് ഉയർന്ന് പലയിടങ്ങളിലും വെള്ളം കയറി.

ഉദയനാപുരം - വാഴമന റോഡും മുട്ടുങ്കൽ- ചിറപ്പാട് റോഡും വെള്ളത്തിൽ മുങ്ങി. കിഴക്കൻ വെള്ളത്തിൻ്റെ വരവ് ശക്തമായതോടെ ഇന്ന് ഞായറാഴ്ച ഉച്ചയോടെ ജലനിരപ്പ് ഒന്നരയടി ആയി ഉയർന്നു. കൃഷിയിടങ്ങളും വെള്ളത്തിലായിട്ടുണ്ട്. രാവിലെ മഴയ്ക്ക് ശമനമുണ്ടായതിനാൽ വരവ് വെള്ളത്തിൻ്റെ ഭീതിയാണ് പ്രദേശത്ത് ഉള്ളത്. വൈക്കത്തെ താഴ്ന്ന പ്രദേശങ്ങളെല്ലാം കിഴക്കൻ വെള്ളം വരവിന്റെ ഭീതിയിലാണ്. മുറുക്കുള്ളിൽ നടക്കുന്ന യോഗങ്ങളല്ല ദുരിത പ്രദേശങ്ങളിൽ നടപടിയാണ് വേണ്ടത് എന്നാണ് ആവശ്യമുയരുന്നത്.