മഞ്ചാടിക്കരിയിൽ വികസനം സാധ്യമാക്കും കെ. ബിനിമോൻ

വെച്ചൂർ: പഞ്ചായത്തിന്റെ ആറാം വാർഡിലെ മഞ്ചാടിക്കരിയിൽ വികസനമെത്തിക്കുമെന്ന് കെ. ബിനിമോൻ. എം.എൽ എ ആയതിനു ശേഷം മഞ്ചാടിക്കരിയിൽ എത്തിയപ്പോഴായിരുന്നു ബിനിമോൻ നാട്ടുകാർക്ക് ഈ ഉറപ്പ് നൽകിയത്. ഇട്ടിയാക്കാടൻകരി - വലിയ വെളിച്ചം പാടശേഖരവുമായി ബന്ധിപ്പിക്കുന്ന പാലവും സമീപ റോഡുകളും നിമ്മിക്കാൻ ഘട്ടംഘട്ടമായുള്ള പദ്ധതി നടപ്പിലാക്കുമെന്നും എം.എൽ.എ അറിയിച്ചു. പ്രദേശത്തെ ജനങ്ങളുടെ മറ്റ് അടിസ്ഥാന സൗകര്യ വികസനത്തിനുള്ള നടപടികളും ഉണ്ടാകുമെന്ന് എം.എൽ.എ പ്രദേശവാസികളെ അറിയിച്ചു. മുൻ പഞ്ചായത്തു മെമ്പർമാരായ സോജി ജോർജ്, പി.ജി ഷാജി, ഷാജി മുഹമ്മദ്, വൈക്കം ബ്ലോക്ക് കോൺഗ്രസ് വൈസ് പ്രസിഡൻറ് എം. ഗോപാലകൃഷ്ണൻ, തങ്കച്ചൻ എന്നിവരും ഒപ്പമുണ്ടായിരുന്നു.