വൈക്കം: അഞ്ചാം വയസ്സിൽ വേൾഡ് ബുക്ക്‌ ഓഫ്‌ റെക്കോർഡ്സിൽ സ്ഥാനം പിടിച്ച ഇരട്ട കുട്ടികളായ നൈവേദ്യ ഹരീഷ്, നിഹാരിക ഹരീഷ് എന്നിവരെ എമർജിങ് വൈക്കം കൂട്ടായ്മ അനുമോദിച്ചു. വേമ്പനാട്ട് കായൽ കുറുകെ നീന്തിയാണ് കുട്ടികൾ വേൾഡ് ബുക് ഓഫ് റിക്കോർഡ്സിൽ സ്ഥാനം നേടിയത്. കലാ കായിക രംഗത്ത് വൈക്കംകാരുടെ നേട്ടങ്ങളുടെ പട്ടികയിൽ ഈ കുട്ടികളും ഇടംപിടിച്ചത് നാടിന് അഭിമാനമായി. എമർജിങ് വൈക്കം ചീഫ് അഡ്മിൻ അഡ്വ.എ. മനാഫ്, കെ.ജി അനിൽകുമാർ, സിന്ധു വിജയകുമാർ, സഹർ സമീർ, എം.ആർ രാജീവ്‌, ഷീബ സന്തോഷ്‌, ദീപേഷ് എന്നിവരുടെ നേതൃത്വത്തിലാണ് എമർജിംഗ് വൈക്കം കൂട്ടായ്മ കുട്ടികളുടെ വീട്ടിൽ എത്തി അനുമോദിച്ചത്.