ആദരവിൻ്റെ നിറവിൽ വൈക്കം വിജയലക്ഷ്മി

വൈക്കം: മികച്ച ഗായികയ്ക്കുള്ള ദേശീയ പുരസ്‌കാരം ലഭിച്ച വൈക്കം വിജയലക്ഷ്മിക്ക് നാടിൻ്റെ ആദരം തുടരുന്നു. വിജയലക്ഷമിയുടെ വീട്ടിലേക്ക് ആരാധകരുടേയും കലാ സാംസ്കാരിക പ്രവർത്തകരുയും രാഷ്ട്രീയ സാമുദായിക സംഘടനകളുടെ തിരക്കാണ്. കോട്ടയം ജില്ലാപഞ്ചായത്തിൻ്റെയും കേരള വണിക വൈശ്യ സംഘത്തിൻ്റെ നേതൃത്വത്തിലും ആദരിക്കൽ ചടങ്ങ് നടന്നു. ജില്ല പഞ്ചായത്ത് പ്രസിഡൻ്റ് ജോഷി ഫിലിപ്പിൻ്റെ നേതൃത്വത്തിലാണ് പഞ്ചായത്ത് അംഗങ്ങൾ വീട്ടിലെത്തി ആദരിച്ചത്. വണിക വണിക സംഘത്തിൻ്റെ വൈക്കം 27-ാം നമ്പർ ശാഖാ പ്രവർത്തരാണ് വീട്ടിലെത്തി ആദരം അറിയിച്ചത്. ശാഖാ സെക്രട്ടറി നിഷാദ്, ജോയിൻ്റ് സെക്രട്ടറി രാഹുൽ ബാബു, രക്ഷാധികാരി സോമശേഖരൻ, ഖജാൻജി വേലായുധൻ ചെട്ടിയാർ, ശാഖാ ആചാര്യൻ സതീശൻ മാളിയേക്കൽ, രാജേഷ് കാരേപ്പറമ്പ്, രാജേഷ് തഴയനാട്, മഹിളാ ഫെഡറേഷൻ അംഗങ്ങൾ ഓമന പ്രകാശൻ, ദിവ്യ രാജേഷ്. എന്നിവർ ചടങ്ങിൽ പങ്കെടുത്തു.