വെള്ളൂരിൽ കറവപശു മരിച്ച നിലയിൽ

വെള്ളൂർ: വെള്ളൂർ പഞ്ചായത്ത് അഞ്ചാം വാർഡിൽ മണിയൻചിറ തുറമ്പുറത്തു മ്യാലിൽ ഷീബയുടെ അഞ്ച് വയസ്സ് പ്രായമുള്ള കറവ പശുവിനെയാണ് വ്യാഴാഴ്ച രാവിലെ മരിച്ച നിലയിൽ കാണപ്പെട്ടത്. വീടിനോട് ചേർന്ന പറമ്പിലാണ് സ്ഥിരമായി പശുവിനെ കെട്ടാറുള്ളത്. വ്യാഴാഴ്ച രാവിലെ നാലുമണിക്ക് പാൽ കറക്കുന്നതിനായി ഷീബ എത്തിയപ്പോഴാണ് അനക്കമറ്റ നിലയിൽ പശുവിനെ കണ്ടത്.
വെള്ളൂരിൽ പത്രവിതരണക്കാരി കൂടിയാണ് ഷീബ. പശു വളർത്തലും പത്ര വിതരണവും പ്രധാന വരുമാനമായിരുന്ന ഷീബയ്ക്ക് 12 ലിറ്റർ കറവയുള്ള പശുവിൻ്റെ മരണത്തോടെ എൺപതിനായിരം രൂപയുടെ നഷ്ടമാണുണ്ടായത്. മൃഗാശുപത്രിയിൽ വിവരം അറിയിച്ചതിനെ തുടർന്ന് മെഡിക്കൽ ഓഫീസർ മേൽ നടപടികൾ സ്വീകരിച്ചു.