വൈക്കം. മൂത്തേടത്ത് കാവ് ഭഗവതി ക്ഷേത്രത്തിലെ വിഷു ഉൽസവത്തിന്റെയും നടയടപ്പിന്റെയും മുന്നോടിയായി നടത്തുന്ന എതിരേൽപ്പ് താലപ്പൊലി നാളെ മുതൽ നടക്കും. ടി.വി. പുരം മേഖലയിലെ എൻ.എസ്.എസ്. കരയോഗങ്ങളുടെ നേതൃത്വത്തിലാണ് താലപ്പൊലി നടത്തുന്നത്. എതിരേൽപ്പിന് ഭഗവതി വേതാളിയുടെ പുറത്തേറി എഴുന്നള്ളും. ഭഗവതിയെ എതിരേറ്റ് ക്ഷേത്രത്തിലേക്ക് ആനയിക്കുന്നതാണ് ചടങ്ങ്. തുടർന്ന് തീയാട്ട് നടക്കും. വിഷു ദിനമായ എപ്രിൽ 15 ന് രാത്രിയിൽ നടക്കുന്ന അരിയേറിന് ശേഷം മൂത്തേടത്ത് കാവ് ക്ഷേത്ര നടയടക്കും. മൂന്നു മാസങ്ങൾക്ക് ശേഷം കർക്കിടകം 1 ന് നട തുറന്ന് പതിവ് പൂജകളും ദർശനവും പുനരാരംഭിക്കും