സ്വകാര്യ ബസ്സിന് തീപിടിച്ചു

കോഴിക്കോട്: മാങ്കാവിൽ സ്വകാര്യ ബസ്സിന് തീപിടിച്ചു പൂർണമായി കത്തി നശിച്ചു. ആർക്കും അപകടമില്ല. യാത്രക്കാരെ സുരക്ഷിതമായി പുറത്തിറക്കി. കോഴിക്കോട് മാങ്കാവിലാണ് ഓടിക്കൊണ്ടിരുന്ന ബസ്സിന് തീപിടിച്ചത്. ബസ്സിൽ യാത്രക്കാർ കുറവായിരുന്നു. അതുകൊണ്ടുതന്നെ പെട്ടെന്ന് യാത്രക്കാരെ പുറത്തിറക്കാൻ ആയതുകൊണ്ടാണ് വലിയ ദുരന്തം ഒഴിവായത്. തീ കണ്ട് ഉടനെ ജീവനക്കാർ ബസ് റോഡ് അരികിലേക്ക് ഒതുക്കി യാത്രക്കാരെ പുറത്തിറക്കുകയായിരുന്നു. ഉടനെ തന്നെ ബസ് തീഗോളമായി മാറി.

ഫയർഫോഴ്സ് സ്ഥലത്തെത്തി തീയണച്ചെങ്കിലും ബസ് പൂർണമായി നശിച്ചിരുന്നു.