എ.ബി.ആർ ക്ലിനിക്കിന്റെ പുതിയ ശാഖ ടോൾ ജംഗ്ഷനിൽ ആരംഭിച്ചു

കുലശേഖരമംഗലം: മറവൻതുരുത്ത് പഞ്ചായത്ത് കുലശേഖരമംഗലം ടോൾ ജംഗ്ഷനിൽ എ.ബി.ആർ ക്ലിനിക്കിന്റെ രണ്ടാമത്തെ ശാഖ പ്രവർത്തനം ആരംഭിച്ചു. മറവൻതുരുത്ത് സ്വദേശിനിയായ ഡോ. രാഖിത രാജേന്ദ്രൻ കഴിഞ്ഞ വർഷം വടയാർ തുറുവേലിക്കുന്നിൽ ക്ലിനിക് ആരംഭിച്ചിരുന്നു. ഉത്‌സവഛായയിൽ കെ. ബിനിമോൻ എം.എൽ.എയാണ് ഉദ്ഘാടനം നിർവഹിച്ചത്. സോണി ടീച്ചർ, ബ്ലോക്ക് പഞ്ചായത്ത് അംഗങ്ങളായ പി.എസ് പുഷ്പമണി, പി.വി ഹരിക്കുട്ടൻ, മറവൻതുരുത്തു പഞ്ചായത്ത് വൈസ് പ്രസിഡൻറ് പി.സി തങ്കരാജ്, പഞ്ചായത്ത് അംഗങ്ങൾ, സീനിയർ ഗൈനക്കോളജിസ്റ്റ് ഡോ. അനിത കുമാരി, വിവിധ രാഷ്ട്രീയകക്ഷി നേതാക്കൾ എന്നിവർ പങ്കെടുത്തു.