ലോക നേഴ്‌സസ് ദിനം: പാലിയേറ്റീവ് നേഴ്‌സ് എം.സി. കുഞ്ഞുമോളെ ആദരിച്ചു

വൈക്കം: ലോക നേഴ്‌സസ് ദിനത്തിൽ 15 വർഷമായി കിടപ്പുരോഗികളെ പരിചരിക്കുന്ന നേഴ്സിന് ഉദയനാപുരം പഞ്ചായത്തിന്റെ ആദരം. ഉദയനാപുരം ഫാമിലി ഹെൽത്ത് സെൻ്ററിലെ പാലിയേറ്റീവ് നേഴ്‌സ് എം.സി കുത്തുമോളെയാണ് ഉദയനാപുരം പഞ്ചായത്ത് പ്രസിഡൻറ് കെ.ജി. രാജുവിന്റെ നേതൃത്വത്തിൽ ആദരിച്ചത്. 15 വർഷമായി പഞ്ചായത്തിലെ കിടപ്പു രോഗികളെ പരിചരിക്കുന്നതിൽ കുഞ്ഞുമോൾ കാണിക്കുന്ന മികവും
അർപ്പണബോധവും പരിഗണിച്ചാണ് പഞ്ചായത്തിൻ്റെ ഈ ആദരം. ഉദയനാപുരം പഞ്ചായത്തിൽ നിലവിലുള്ള 186 കിടപ്പു രോഗികളെ വീടുകളിൽ ചെന്ന് പരിചരിക്കുന്നത് കുത്തുമോൾ എന്ന നഴ്‌സിൻ്റെ നേതൃത്വത്തിലാണ്. അനുമോദന യോഗത്തിൽ പഞ്ചായത്ത് മെഡിക്കൽ ഓഫീസർ ഡോക്ടർ അലക്സ് അദ്ധ്യക്ഷത വഹിച്ചു. സ്റ്റാൻഡിംഗ് കമ്മറ്റി ചെയർമാന്മാരായ കെ. ദീപേഷ്, ജസീനാ ഷാജുദ്ദീൻ, അജിതാ മധുകുട്ടൻ, പഞ്ചായത്ത് അംഗങ്ങളായ അഭിജിത്ത് ചായപ്പള്ളി, ഷൈലജാ സതീശൻ, മിനി മനയ്ക്കൽ പറമ്പിൽ, സുമേഷ് കൊല്ലേരിൽ, സാബു മാളിയേക്കൽ ഹെൽത്ത് ഇൻസ്പെക്ടർ കാളിദാസൻ എന്നിവരും കുഞ്ഞുമോളെ ആദരിക്കാൻ എത്തിയിരുന്നു.