വിവിധ അപകടങ്ങളിൽ 5 പേർക്ക് പരിക്ക്

പാലാ: വിവിധ അപകടങ്ങളിൽ പരിക്കേറ്റ 5 പേരെ ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു. കൊഴുവനാൽ വച്ച് കാറുകൾ കൂട്ടിയിടിച്ചു നെടുംകുന്നം സ്വദേശികളായ സുനിൽ. എൻ (57) സൂര്യഗായത്രി (16) എന്നിവർക്ക് പരിക്കേറ്റു. 5 മണിയോടെയാണ് അപകടം. കിടങ്ങൂർ അമ്പലത്തിന് സമീപത്ത് വച്ചു ബൈക്കും ജിപ്പും കൂട്ടിയിടിച്ച് ചെമ്പിളാവ് സ്വദേശി നീൽ (26) ന് പരിക്കേറ്റു. 3.30 യോടെയാണ് അപകടം. മുളന്തുരുത്തിയിൽ വച്ച് സ്‌കൂട്ടർ നിയന്ത്രണം വിട്ട് മറിഞ്ഞ് പിറവം സ്വദേശി ജിനു സഖറിയായ്ക്ക് (42) പരിക്കേറ്റു. രാവിലെയാണ് അപകടം. രാവിലെ 6.30 യോടെ തീക്കോയിയിൽ ബൈക്കുകൾ തമ്മിൽ കൂട്ടിയിടിച്ച് തീക്കോയി സ്വദേശി ടി.കെ. ശശിക്ക് (60) പരിക്കേറ്റു.