അപകടങ്ങളിൽ 5 പേർക്ക് പരിക്കേറ്റു

പാലാ: സ്വകാര്യ ബസ് നിയന്ത്രണം വിട്ട് മതിലിൽ ഇടിച്ചു പരിക്കേറ്റ 4 പേരെ ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു. അയർക്കുന്നം സ്വദേശി ബെന്നി സെബാസ്റ്റ്യൻ (55) ഭാര്യ ലിജി ബെന്നി (50) കെഴുവംകുളം സ്വദേശികളായ അഖിൽ കൃഷ്ണ (13) മാതാവ് ശ്രീവിദ്യ (44) എന്നിവർക്കാണ് പരിക്കേറ്റത്. 5.30 യോടെ പാലാ - കോട്ടയം റൂട്ടിൽ അയർക്കുന്നം കൊങ്ങാണ്ടൂരിന് സമീപമായിരുനു അപകടം. ബൈക്കും കാറും കൂട്ടിയിടിച്ചു വെള്ളിലപ്പള്ളി സ്വദേശി അശ്വിൻ കുമാറിനു (20) പരിക്കേറ്റു. വൈകിട്ട് വെള്ളിലപ്പള്ളി ഭാഗത്ത് വച്ചായിരുന്നു അപകടം.