'കണ്ണാരം പൊത്തി' കുട്ടികളുടെ നാടക ക്യാമ്പ് ആരംഭിച്ചു

തലയോലപ്പറമ്പ്: നാടക് (നെറ്റ് വർക് ഓഫ് ആർട്ടിസ്റ്റിക് തിയറ്റർ ആക്ടിവിസ്റ്റ് കേരള) തലയോലപ്പറമ്പ് മേഖല കുട്ടികൾക്കായി സംഘടിപ്പിച്ച അവധിക്കാല നാടക ക്യാമ്പ് ആരംഭിച്ചു. സംസ്ഥാന സ്കൂൾ യുവജനോത്സവവിജയി വി.പി. ദേവനന്ദൻ ക്യാമ്പ് ഉദ്ഘാടനം ചെയ്തു. നാടക് മേഖല വൈസ് പ്രസിഡൻ്റ് സി.വി. കുമാരൻ അധ്യക്ഷത വഹിച്ചു സെക്രട്ടറി ജോർജ് മാടശ്ശേരി, ക്യാമ്പ് ക്യൂറേറ്റർ മനോജ് തച്ചാനി, ക്യാമ്പ് ഡയറക്ടർ സോജൻ റോസമ്മ സാം, സംസ്ഥാന വൈസ് പ്രസിഡൻ്റ് സി.കെ. അജയൻ
ജില്ലാ പ്രസിഡന്റ് കെ. രമേശൻ,
പഞ്ചായത്തംഗം ഫബിന നിസാർ,
ട്രഷറർ ബാലചന്ദ്രമേനോൻ
എന്നിവർ പ്രസംഗിച്ചു. മെയ് ഒന്നുമുതൽ മൂന്നുവരെ കണ്ണാരം പൊത്തി എന്ന പേരിലുള്ള ത്രിദിന നാടകക്യാമ്പ് മിടായിക്കുന്നം എൽ.പി സ്കൂളിലാണ് നടക്കുന്നത്. എട്ടു മുതൽ 15 വയസു വരെയുള്ള 30 കുട്ടികൾക്കാണ് പ്രവേശനം.