വൈക്കം: ചൂട് കൂടി വരുന്നു. മരങ്ങൾ ധാരാളമായി വെട്ടി ലോറിയിൽ കയറ്റി കൊണ്ടുപോകുന്നത് വെറുതേ നോക്കിനിൽക്കുന്നവർ ധാരാളമുള്ള നാടാണിത്. പുതിയ തലമുറയെങ്കിലും മരങ്ങളെയും അതുവഴി മനുഷ്യരെയും സ്നേഹിക്കുന്നവരായി വളരണമെന്ന് ചലച്ചിത്ര നടൻ അനൂപ് ചന്ദ്രൻ പറഞ്ഞു.

വൈക്കത്ത് ലെനിൻ ബാലവേദി സംഘടിപ്പിച്ച ബാലോത്സവം ആശ്രമം സ്ക്കൂളിൽ ഉദ്ഘാടനം ചെയ്യുകയായിരുന്നു അദ്ദേഹം. നടനെന്നതിനപ്പുറം ഒരു നല്ല കർഷകനാണ് താൻ ഏറെ ആഗ്രഹിച്ചിട്ടുള്ളതെന്ന് അദ്ദേഹം പറഞ്ഞു. നഗരസഭ വിദ്യാഭ്യാസ സ്റ്റാൻ്റിംഗ് കമ്മറ്റി ചെയർപേഴ്സൺ ഡി. രഞ്ജിത്ത്കുമാർ അദ്ധ്യക്ഷത വഹിച്ചു. ലെനിൻ ബാലവേദി മണ്ഡലം സെക്രട്ടറി എം.എസ് .ലക്ഷ്മി സ്വാഗതം പറഞ്ഞു. ജ്യോതികുമാർ പുന്നപ്ര ക്ലാസ്സെടുത്തു.