കാലത്തിന്റെ രാഷ്ട്രീയവുമായി മധു മൂർത്തി; 'ഘടികാരസൂചി നിലയ്ക്കുന്നില്ല?' ശ്രദ്ധേയമാകുന്നു

വൈക്കം: ശ്രദ്ധേയനായ നാടക കലാകാരൻ വൈക്കം മധു മൂർത്തിയുടെ പുതിയ അമേച്ചർ നാടകം അരങ്ങേറ്റം കുറിച്ചു. ഘടികാരസൂചി നിലയ്ക്കുന്നില്ല?... ചോദ്യചിഹ്നവും ഉയർത്തിയാണ് നാടകത്തിൻറെ തലക്കെട്ട്. സമകാലീന ഭാരതത്തിൻ്റെ സങ്കീർണ്ണമായ രാഷ്ട്രീയ വിഷയങ്ങൾ മനോഹരമായി അവതരിപ്പിക്കുന്നതാണ് നാടകം.

നാടകത്തിൻ്റെ രചനയും സംവിധാനവും നിർവ്വഹിച്ചത് മധു മൂർത്തിയാണ്. സാബു കുന്നുംപുറത്ത്, സനൽ ചെട്ടാലിൽ, ജോണി പൂക്കാട്ട് എന്നിവർ വിവിധ കഥാപാത്രങ്ങളെ ശ്രദ്ധേയമാക്കുന്നു. അമേച്ചർ നാടക രംഗത്ത് പുതിയ പരീക്ഷണങ്ങൾ നടത്തി വിജയിച്ച കലാകാരനാണ് മധു മൂർത്തി. പ്രസിദ്ധ സിനിമാ സംവിധായകൻ തരുൺ മൂർത്തിയുടെ പിതാവാണ് മധുമൂർത്തി. നാടകത്തിന്റെആദ്യ പ്രദർശനം കാണാൻ ഉദയനാപുരം ഗ്രാമപഞ്ചായത്ത് പ്രസിഡൻ്റ് കെ.ജി. രാജു, മോഹൻ ഡി.ബാബു, ലിറ്റററി ഫോട്ടോഗ്രാഫർ വൈക്കം ഡി. മനോജ്, നാടക് ജില്ലാ ഭാരവാഹികളായ രമേശൻ, ഗിരിജാ ദേവി എന്നിവരും എത്തിയിരുന്നു.