എൻ.എസ്.എസ് സെക്രട്ടറി ഹരികുമാർ കോയിക്കൽ അന്തരിച്ചു

കോട്ടയം: എൻ.എസ്.എസ് സെക്രട്ടറിയും ചങ്ങനാശേരി യൂണിയൻ പ്രസിഡൻ്റുമായ ഹരികുമാർ കോയിക്കൽ അന്തരിച്ചു. കഴിഞ്ഞ വർഷം എൻ എസ് എസ് സെക്രട്ടറിയായി തെരഞ്ഞെടുക്കപ്പെട്ട ഹരികുമാർ കോയിക്കൽ, ചങ്ങനാശേരി പെരുന്ന സ്വദേശിയാണ്. എൻ.എസ്.എസ് എക്സിക്യൂട്ടീവ് കൗൺസിൽ അംഗം, അഗ്രിക്കൾചറൽ വിഭാഗം സെക്രട്ടറി, ചങ്ങനാശേരി താലൂക്ക് യൂണിയൻ പ്രസിഡന്റ് എന്നീ നിലകളിൽ പ്രവർത്തിച്ചിട്ടുണ്ട്. രോഗബാധിതനായി ചികിത്സയിലായിരുന്നു.

ഭാര്യ: മിനി എസ്. (റിട്ട. എൻ.എസ്.എസ്. കോളേജ് പ്രൊഫസർ). മക്കൾ: അനൂപ എം. (അധ്യാപിക, എൻ.എസ്.എസ്. ജി.എച്ച്.എസ്. പെരുന്ന), ബാലഗോവിന്ദ് എം. മരുമകൻ: ശ്രീകാന്ത് (എൻ.എസ്.എസ്. ഗേൾസ് ഹൈസ്കൂൾ, പന്തളം). സംസ്കാരം നാളെ വൈകിട്ട് 7.30-ന് പെരുന്ന പടിഞ്ഞാറുള്ള കോയിക്കൽ വിജയ ഭവനത്തിൽ വെച്ച് നടക്കും.