വൈക്കം: സംരക്ഷിക്കാനാളില്ലാതെ കഷ്ടപ്പെടുന്ന കേരളത്തിൻ്റെ വിവിധ ഭാഗങ്ങളിലുള്ള മാനസിക
വെല്ലുവിളികൾ നേരിടുന്നവരെ സംരക്ഷിക്കുന്ന വൈക്കപ്രയാർ ജീവനിലയത്തിൽ അന്തേവാസികളുടെ ആരോഗ്യ സംരക്ഷണത്തിന് എല്ലാ മാസവും ജീവനിലയത്തിൽ ആയൂർവ്വേദ മെഡിക്കൽ സംഘം നേരിട്ടെത്തി നടത്തുന്ന സ്നേഹപൂർവ്വം പദ്ധതി പഞ്ചായത്ത് പ്രസിഡൻ്റ് കെ.ജി രാജു ഉദ്ഘാടനം ചെയ്തു. ഉദയനാപുരം പഞ്ചായത്ത് ആയുഷ് പ്രാഥമിക ആരോഗ്യ കേന്ദ്രവും വൈക്കം താലൂക്ക് ലീഗൽ സർവ്വീസ് കമ്മറ്റിയും ചേർന്നാണ് ഈ മെഡിക്കൽ ക്യാമ്പ് നടത്തുന്നത്.

രോഗികൾക്കാവശ്യമായ ചികിത്സയും മരുന്നും ലഭ്യമാക്കുന്ന ഉദയനാപുരം പഞ്ചായത്തിൻ്റെ സ്നേഹപൂർവ്വം പദ്ധതിക്കാണ് തുടക്കമായത് വാർഡു പഞ്ചായത്ത അംഗം പി.ആർ. ദേവലാൽ അദ്ധ്യക്ഷത വഹിച്ചു. ജില്ലാ പഞ്ചായത്ത് മെമ്പർ എം.കെ. രാജേഷ് പഞ്ചായത്ത് അംഗങ്ങളായ കെ ദീപേഷ്, ആജി ഉദയകുമാർ, ആയുർവ്വേദ മെഡിക്കൽ ഓഫീസർ ഡോക്ടർ ടി.എസ് ലക്ഷ്മി, ഡോക്ടർ സുമം ബാബു, ബി. സുശീല എന്നിവരും ക്യാമ്പിൻ്റെ ഉദ്ഘാടനത്തിൽ പങ്കെടുത്തു.