തലയോലപ്പറമ്പ്: കാർ സ്കൂട്ടറിൽ ഇടിച്ചുണ്ടായ അപകടത്തിൽ സ്കൂട്ടർ യാത്രക്കാരായ രണ്ട് പേർക്ക് പരുക്കേറ്റു. തലയോലപ്പറമ്പ് ഡി.ബി കോളേജിന് സമീപം വളവിൽ ഓവർടേക്ക് ചെയ്ത കാർ എതിരെ വന്ന സ്കൂട്ടറിൽ ഇടിച്ചാണ് അപകടം. ഇന്ന് ഉച്ചയോടെയായിരുന്നു സംഭവം. അപകടത്തിൻ്റെ ദൃശ്യങ്ങൾ വൈക്കം വാർത്തയ്ക്ക് ലഭിച്ചു.

ബൈക്ക് യാത്രക്കാരായ തലയോലപ്പറമ്പ് സ്വദേശികളായ സുരേന്ദ്രൻ ,രമേശൻ എന്നിവർക്കാണ് പരിക്കേറ്റത്‌. നാട്ടുകാരാണ് പരിക്കേറ്റവരെ സ്വകാര്യ ആശുപത്രിയിൽ എത്തിച്ചത്. ഇടിയുടെ ആഘാതത്തിൽ ഇരുവരും റോഡരുകിലേക്ക് തെറിച്ച് വീണതു കൊണ്ടാണ് മറ്റ് വാഹനങ്ങളുടെ അടിയിൽപ്പെടാതെ രക്ഷപ്പെട്ടത്.