കെ.എസ്.ഇ.ബി. പെൻഷനേഴ്‌സ് അസോസിയേഷൻ വാർഷിക സമ്മേളനം

കെ.എസ്.ഇ.ബി. പെൻഷനേഴ്‌സ് അസോസിയേഷൻ 39-ാം വാർഷിക സമ്മേളനം വൈക്കത്ത് നടന്നു. വൈക്കം സമൂഹം ഹാളിലെ ഇ.കെ. ചന്ദ്രമോഹൻ നഗറിലായിരുന്നു വാർഷിക സമ്മേളനം നടന്നത്. അസോസിയേഷൻ സംസ്ഥാന ജനറൽ സെക്രട്ടറി ബി. ശശികുമാർ സമ്മേളനം ഉദ്ഘാടനം ചെയ്തു. ഡിവിഷൻ സെക്രട്ടറി ജി. ജയകുമാർ വാർഷിക റിപ്പോർട്ട് അവതരിപ്പിച്ചു. ട്രഷറർ വി.എൻ ജയമോൻ കണക്ക് അവതരിപ്പിച്ചു. സംസ്ഥാന വൈസ് പ്രസിഡൻ്റ് എ. സെയ്ഫുദ്ദീൻ മുഖ്യപ്രഭാഷണം നടത്തി. ജില്ലാ പ്രസിഡൻ്റ് അരവിന്ദാക്ഷൻ നായർ, കെ.എസ്.ഇ.ബി.ഡബ്യൂ.എ. സംസ്ഥാന കമ്മറ്റി അംഗം അനീഷ്. പി. ഡേവിഡ്, കെ.ഇ.ഡബ്യൂ.എഫ് വൈക്കം ഡിവിഷൻ കമ്മറ്റി അംഗം കെ.എസ് ജിജുമോൻ, പൊൻകുന്നം ജില്ലാകമ്മിറ്റി അംഗം പി.ആർ. സജി എന്നിവർ പ്രസംഗിച്ചു. എൻ.വി.ജോഷി അദ്ധ്യക്ഷനായ ചടങ്ങിൽ രാജശേഖരൻ അനുശോചന പ്രമേയം അവതരിപ്പിച്ചു. ചടങ്ങിന് എ.പി. പ്രകാശൻ സ്വാഗതവും ഡിവിഷൻ വൈസ് പ്രസിഡൻ്റ് വി.എൻ. ഓമന കൃതജ്ഞതയും പറഞ്ഞു