ക്ഷേത്ര കലാപീഠം പ്രവേശനോത്സവം

വൈക്കം: വൈക്കം ക്ഷേത്ര കലാപീഠത്തിൽ വിദ്യാർത്ഥികളുടെ പ്രവേശനോത്സവം നടന്നു.
തിരുവിതാംകൂർ ദേവസ്വം ബോർഡിന്റെ കീഴിലെ ക്ഷേത്ര കലാപീഠത്തിൽ നടന്ന പ്രവേശനോത്സവം സാംസ്കാരിക അസിസ്റ്റൻ്റ് ഡയറക്ടർ ബിജു വി. നാഥ് ഉദ്ഘാടനം ചെയ്തു. തകിൽ, നാദസ്വരം, പഞ്ചവാദ്യം തുടങ്ങിയ മൂന്ന് വർഷത്തെ കോഴ്സുകളിലേക്ക് മുപ്പത്തി നാല് വിദ്യാർത്ഥികളാണ് ഇതുവരെ പ്രവേശനം നേടിയത്.

കലാപീഠം ഹാളിൽ നടന്ന ചടങ്ങിൽ കലാപീഠം ഡയറക്ടർ വിഭു പിരപ്പൻകോട് അദ്ധ്യക്ഷത വഹിച്ചു.കലാപീഠം മാനേജർ ആർ. ബിന്ദു അദ്ധ്യാപകരായ ഹരിപ്പാട് മുരുകദാസ് ,വി.എസ്. അനിൽകുമാർ, സി.എച്ച്. ശ്രീകുമാർ, ചേർത്തല അജിത് കുമാർ, ക്ഷേത്രം അഡ്മിനിസ്ട്രേറ്റിവ് ഓഫിസർ പി. അയ്യപ്പൻ എന്നിവരും പങ്കെടുത്തു.