വെള്ളൂർ: കുടിവെള്ള ക്ഷാമത്തിന് പരിഹാരമായി വെള്ളൂർ ഗ്രാമ പഞ്ചായത്ത് വിവിധ വാർഡുകളിൽ ടാങ്കറിൽ കുടിവെള്ള വിതരണം ആരംഭിച്ചു.
വേനൽ കടുത്തതോടെ വെള്ളൂർ ഗ്രാമ പഞ്ചായത്തിലെ വിവിധ വാർഡുകളിൽ അനുഭവപ്പെട്ട രൂക്ഷമായ കുടിവെള്ള ക്ഷാമത്തിന് ഇതോടെ ആശ്വാസമായി.
കുടിവെള്ള ലഭ്യത കുറഞ്ഞ പ്രദേശങ്ങളിൽ ടാങ്കറുകൾ ഉപയോഗിച്ച് നേരിട്ട് വെള്ളം എത്തിക്കുന്ന പദ്ധതിക്ക് ബുധനാഴ്ച രാവിലെ 10 ന് 17-ാം വാർഡ് വരിക്കാംകുന്നിൽ തുടക്കം കുറച്ചു.
പഞ്ചായത്ത് പ്രസിഡൻ്റ് സാജിത യൂസഫ് , വൈസ് പ്രസിഡണ്ട് അനീഷ് ചന്ദ്രൻ, 17-ാം വാർഡു മെമ്പർ എം.എ. അതുല്യ മോൾ എന്നിവർ നേതൃത്വം നൽകി.