പട്ടികജാതി വിദ്യാർത്ഥികൾക്ക് ലാപ്ടോപ്പ് വിതരണം ചെയ്തു

വൈക്കം: ടി.വി പുരം ഗ്രാമപഞ്ചായത്തിലെ പട്ടികജാതി വിദ്യാർത്ഥികൾക്കുള്ള ലാപ്ടോപ്പ് വിതരണം ചെയ്തു. 2025 -26 സാമ്പത്തിക വർഷത്തിലെ പദ്ധതിയിൽ ഉൾപ്പെടുത്തിയാണ് ലാപ്ടോപ്പ് വിതരണം ചെയ്തത്. ഗ്രാമപഞ്ചായത്ത് അങ്കണത്തിൽ നടന്ന പരിപാടി ഗ്രാമപഞ്ചായത്ത് പ്രസിഡണ്ട് എസ്. ബിജു ഉദ്ഘാടനം ചെയ്തു. വൈസ് പ്രസിഡന്റ് അനിയമ്മ അശോകൻ അധ്യക്ഷത വഹിച്ചു. ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ നീതുമോൾ ധനീഷ്, വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ ബേബി, മെമ്പർ വി.കെ ശ്രീകുമാർ, ഗീതാ പ്രകാശൻ, ദീപാ ബിജു ഗ്രാമപഞ്ചായത്ത് സെക്രട്ടറി സനൽകുമാർ, അസിസ്റ്റന്റ് സെക്രട്ടറി മാത്യു, എസ്.സി പ്രമോട്ടർ സമീര എന്നിവർ പ്രസംഗിച്ചു.