മറവൻതുരുത്തിൽ തണ്ണീർപ്പന്തൽ ആരംഭിച്ചു

മറവൻതുരുത്ത്: മറവൻതുരുത്ത് പഞ്ചായത്ത് സി.ഡി.എസ് നേതൃത്വത്തിൽ തണ്ണീർ പന്തൽ ആരംഭിച്ചു. പഞ്ചായത്ത്‌ പ്രസിഡന്റ്‌ ആരതി വിനയൻ ഉദ്ഘാടനം ചെയ്തു. സി.ഡി.എസ് ചെയർപേഴ്സൺ രഞ്ജിനി ദാസ് അദ്ധ്യക്ഷത വഹിച്ചു. പഞ്ചായത്ത് ഓഫീസിനോടു ചേർന്നുള്ള ആയുർവേദ ആശുപത്രിക്കു സമീപമാണ് തണ്ണീർപ്പന്തൽ ഒരുക്കിയിട്ടുള്ളത്. വിവിധ ദിവസങ്ങളിലായി തണ്ണിമത്തൻ ജ്യൂസ്, നാരങ്ങാവെള്ളം, സംഭാരം എന്നിവ നൽകും. പഞ്ചായത്തംഗങ്ങൾ, കുടുംബാരോഗ്യ കേന്ദ്രം മെഡിക്കൽ ഓഫീസർ, ആയുർവേദ ആശുപത്രി മെഡിക്കൽ ഓഫീസർ, സി.ഡിഎസ് അംഗങ്ങൾ തുടങ്ങിയവർ പങ്കെടുത്തു.