അപകടാവസ്ഥയിലായ ചുറ്റുമതിൽ നഗരസഭയുടെ നേതൃത്വത്തിൽ പൊളിച്ചുനീക്കി

വൈക്കം: വനിതാ ശിശു വികസന വകുപ്പിന് കീഴിൽ പ്രവർത്തിക്കുന്ന വൈക്കം ഐ.സി.ഡി.എസ് പ്രൊജക്ട് ഓഫീസിന് സമീപം അപകടാവസ്ഥയിലായിരുന്ന ചുറ്റുമതിൽ നഗരസഭ ചെയർമാൻ അബ്ദുൽ സലാം റാവുത്തൽ, വൈസ് ചെയർ പേഴ്സൺ സൗദാമിനി, വാർഡ് കൗൺസിലർ അനൂപ്. വി എന്നിവർ സന്ദർശിച്ചു. തുടർന്ന് പ്രദേശവാസികളുടെയും ഓഫീസിന്റെയും സുരക്ഷ മുൻനിർത്തി മതിൽ പൊളിച്ചു മാറ്റി. ശിശു വികസന പദ്ധതി ഓഫീസർ കെ. മൃദുല, ഐ.സി.ഡി.എസ് സൂപ്പർവൈസർ ഡോ.എൻ. ശ്രീമോൾ, എസ്. സന്തോഷ് ചക്കനാടൻ എന്നിവർ സന്നിഹിതരായിരുന്നു.