വൈക്കം: ഉദയനാപുരം പഞ്ചായത്ത് മഴക്കാലപൂർവ്വ ശുചീകരണ പ്രവർത്തനങ്ങളുടെ പഞ്ചായത്ത് തല ഉദ്ഘാടനം നടന്നു. പ്രസിഡൻ്റ് കെ.ജി രാജു ശുചീകരണം പ്രവർത്തനങ്ങളുടെ ഉദ്ഘാടനം നടത്തി. വല്ലകത്ത് വിവിധ പ്രദേശങ്ങളിലാണ് ശൂചീകരണം നടന്നത്. എലിപ്പനി, ഡങ്കിപനി, മസ്തിഷ്ക ജ്വരം, മഞ്ഞപ്പിത്തം തുടങ്ങിയ ജലജന്യ രോഗങ്ങൾ വരാൻ സാധ്യതയുള്ളതിനാൽ ജനങ്ങൾ ജാഗ്രത പാലിക്കണമെന്ന് ആരോഗ്യ വകുപ്പ് അധികൃതരുടെ നിർദ്ദേശമുണ്ട്. പഞ്ചായത്ത് വൈസ് പ്രസിഡൻ്റ് ബിന്ദു അനിൽകുമാർ, ക്ഷേമകാര്യ സ്റ്റാൻഡിംഗ് കമ്മറ്റി ചെയർപേഴ്‌സൺ ജസ്സീനാ ഷാജുദ്ദീൻ, വികസന കാര്യ സ്റ്റാൻഡിംഗ് കമ്മറ്റി ചെയർമാൻ ദീപേഷ്, ആരോഗ്യ-വിദ്യഭ്യാസ ചെയർമാൻ അജിതാ മധുകുട്ടൻ, പഞ്ചായത്ത് അംഗങ്ങളായ ആജിഷാ ഉദയകുമാർ, ഷൈലജാ സതീശൻ, അഭിജിത്ത് ചായപ്പള്ളി, അസ്സിൻ്റൻഡ് എഞ്ചിനീയർ ആതിര സോമൻ തുടങ്ങിയവർ ശുചീകരണ പ്രവർത്തനങ്ങൾക്ക് നേതൃത്വം നൽകി.