മഴക്കാലപൂർവ്വ ശുചീകരണ പ്രവർത്തനം

മറവൻ തുരുത്ത്: മറവൻ തുരുത്ത് പഞ്ചായത്ത് അഞ്ചാം വാർഡിലെ മഴക്കാലപൂർവ്വ ശുചീകര പ്രവർത്തനങ്ങളുടെ ഉദ്ഘാടനം വാർഡു മെമ്പർ വനജ അനിൽകുമാർ നിർവഹിച്ചു. കുടുംബാരോഗ്യ കേന്ദ്രത്തിലെ ആശാവർക്കർ എലിപ്പനിക്കെതിരെയുള്ള ഗുളികകൾ വിതരണം ചെയ്തു.
തൊഴിലുറപ്പ് മേറ്റുമാരായ സതി സരിത വാർഡ് പ്രതിനിധി വേണുഗോപാൽ എന്നിവർ നേതൃത്വം നൽകി.
ആശാ പ്രവർത്തകർ, തൊഴിലുറപ്പ് തൊഴിലാളികൾ, എന്നിവർ പങ്കെടുത്തു.
അപ്പക്കോട് ലക്ഷംവീട് നഗറിന് സമീപത്തു നിന്നാണ് ശുചീകരണ പ്രവർത്തനങ്ങൾക്ക് തുടക്കം കുറിച്ചത്. ഭവന ശുചീകരണം, സ്ഥാപന ശുചീകരണം, പൊതുസ്ഥല ശുചീകരണം എന്നിവ വരുംദിവസങ്ങളിൽ നടത്തുമെന്ന് വാർഡ് മെമ്പർ പറഞ്ഞു.