നാട്ടിലെ താരങ്ങൾക്ക് ആദരം

വൈക്കം: വിവിധ മേഖലകളിൽ കഴിവ് തെളിയിച്ച കുട്ടികളെ വൈക്കത്ത് ലെനിൻ ബാലവേദി സംഘടിപ്പിച്ച ബാലോത്സവത്തിൽ ആനുമോദിച്ചു.
റെഡ്സ്റ്റാർ ഫുട്ബോൾ അക്കാഡമിയിൽ പരിശീലനത്തിന് പ്രവേശനം നേടിയ യദുകൃഷ്ണൻ, കേരള യൂണിവേഴ്സിറ്റി വോളിബോൾ ടീമിലേക്ക് തിരഞ്ഞെടുക്കപ്പെട്ട എം.ടി. എയ്ഞ്ചൽ, ആൾ ഇന്ത്യ ഇൻ്റർ യൂണിവേഴ്സിറ്റി നാഷണൽ ഫെസ്റ്റിവലിൽ 20 മ്യൂസിക് ആൻ്റ് തീയേറ്റർ വിഭാഗത്തിൽ 2023, '24, '25 വർഷങ്ങങ്ങളിൽ ഒന്നാം സ്ഥാനവും സ്വർണ്ണ മെഡലും നേടിയ സുഭാഷിണി എന്നിവരെയാണ് ബാലോത്സവത്തിൽ ആനുമോദിച്ചത്.

ചലച്ചിത്ര നടൻ അനൂപ് ചന്ദ്രനും കവിയും അദ്ധ്യാപകുമായ ജ്യോതികുമാർ പുന്നപ്രയും ചേർന്ന് ഉപഹാരങ്ങൾ നൽകി. നഗരസഭ വിദ്യാഭ്യാസ സ്റ്റാൻ്റിംഗ് കമ്മറ്റി ചെയർപേഴ്സൺ ഡി.രഞ്ജിത്ത് കുമാർ, എം.എസ്. ലക്ഷ്മി, വി.എ. ഭാനുമതി, പി.പ്രദീപ്, എം.ഡി. ബാബുരാജ്, പി.എസ്. മുരളീധരൻ, ആർ. സുരേഷ് തുടങ്ങിയവർ പങ്കെടുത്തു.