മറവൻതുരുത്ത്: ഉത്തരവാദിത്വ
ടൂറിസത്തിൻ്റെ ഭാഗമായി പഞ്ഞിപ്പാലം ടൂറിസം ക്ലബ്ബിൻ്റെ നേതൃത്വത്തിൽ പഞ്ഞിപ്പാലത്ത് നടന്ന പാട്ടുകൂട്ടവും നാട്ടുചന്തയും ആഘോഷമാക്കി നാട്ടുകാർ.
മറവൻതുരുത്ത് പഞ്ചായത്ത് പ്രസിഡന്റ് ആരതി വിനയൻ ഉദ്ഘാടനം ചെയ്തു.
സംഘാടക സമിതി വൈസ് ചെയർമാൻ എ.എ. നൗഷാദ് അധ്യക്ഷത വഹിച്ചു.
നാടൻ വിഭവങ്ങൾ, പരമ്പരാഗത കൈത്തൊഴിൽ ഉത്പന്നങ്ങൾ തുടങ്ങിയവയുടെ പ്രദർശനവും വില്പനയും കുടുംബശ്രീ അയൽകൂട്ടങ്ങൾ വിവിധ സ്റ്റാളുകളിൽ നടത്തി. കുട്ടികളുടെയും മുതിർന്നവരുടെയും കലാപരിപാടികളും നടന്നു. പഞ്ഞിപ്പാലത്ത് രണ്ടാമത്തെ നാട്ടു ചന്തയാണ് വെള്ളിയാഴ്ച നടന്നത്.
ആർ.ടി. മിഷൻ സംസ്ഥാന കോർ ഗ്രൂപ്പംഗം എൻ.ജി. ഇന്ദിര, ബ്ലോക്കു പഞ്ചായത്തംഗം പി.എസ്. നൗഫൽ, അമ്പിളി പ്രസന്നകുമാർ, ടി.കെ. സുവർണ്ണൻ, കെ.ജി. വിജയൻ, ജിബു .പി. ശ്രീധരൻ എന്നിവർ പ്രസംഗിച്ചു.