ഓണപ്പൂ കൃഷിയുടെ വിളവെടുപ്പ്
തലയോലപ്പറമ്പ്: വൈക്കം മുഹമ്മദ് ബഷീർ സ്മാരക വൊക്കേഷണൽ ഹയർ സെക്കൻഡറി സ്കൂളിലെ ഓണപ്പൂ കൃഷി വിളവെടുപ്പ് നടത്തി. തലയോലപ്പറമ്പ് ഗ്രാമപഞ്ചായത്ത് പ്രസിഡൻറ് ഷിജി വിൻസെൻ്റ് വിളവെടുപ്പ് ഉദ്ഘാടനം ചെയ്തു. വിവിധ നിറങ്ങളിൽ വിരിഞ്ഞ പൂക്കളുടെ വിളവെടുപ്പ് സ്കൂൾ പരിസരത്തെ ഉത്സവാന്തരീക്ഷത്തിലാക്കി. സ്കൂൾ പ്രിൻസിപ്പാൾ സജിനി സെബാസ്റ്റ്യൻ, ഹെഡ്മാസ്റ്റർ ശ്രീരഞ്ജിത്ത്, പൂകൃഷിക്ക് നേതൃത്വം നൽകിയ അധ്യാപിക സൂറത്ത്, സ്കൂളിലെ മറ്റ് അധ്യാപകർ, വിദ്യാർത്ഥികൾ എന്നിവർ ചടങ്ങിൽ പങ്കെടുത്തു. വിദ്യാർത്ഥികളുടെ പ്രവർത്തനോത്സാഹവും കൂട്ടായ്മയും കൊണ്ടാണ് ഈ വിളവെടുപ്പ് വിജയകരമായതെന്ന് സ്കൂൾ അധികൃതർ അറിയിച്ചു. വിളവെടുത്ത പൂക്കൾ ഓണപ്പൂക്കളത്തിനും സ്കൂളിലെ കലാപരിപാടികൾക്കുമായി ഉപയോഗിക്കും
