പ്രതിഷേധ പ്രകടനവും ധർണ്ണയും നടത്തി

വൈക്കം: അമിതമായ ഗ്യാസ് വില വർദ്ധനവിന് എതിരെ കേരള ഹോട്ടൽ ആൻഡ് റസ്റ്റോറൻറ് അസോസിയേഷൻ വൈക്കം യൂണിറ്റിന്റെ നേതൃത്വത്തിൽ പ്രതിഷേധ പ്രകടനവും ധർണ്ണയും നടത്തി.

വൈകിട്ട് 6 മണിക്കാണ് വൈക്കം നഗരത്തിൽ പ്രകടനം നടത്തിയത്. പോസ്റ്റ് ഓഫീസിന് മുന്നിൽ നടത്തിയ ധർണ്ണയോടെയാണ് പ്രതിഷേധം അവസാനിപ്പിച്ചത്. ഹോട്ടൽ ആൻഡ് റസ്റ്റോറൻറ് അസോസിയേഷൻ കോട്ടയം ജില്ലാ ജോയിന്റ് സെക്രട്ടറി ബിനു ലവ് ലാൻസ് പ്രതിഷേധ ധർണ്ണ ഉദ്ഘാടനം ചെയ്തു. യൂണിറ്റ് സെക്രട്ടറി വി. സുബ്രഹ്മണ്യൻ, പ്രസിഡൻ്റ് ടി.വി റാംകുമാർ, ട്രഷറർ കെ.പി ജിനീഷ് തുടങ്ങിയവർ പ്രതിഷേധ സമരത്തിന് നേതൃത്വം നൽകി. ഗ്യാസ് വിലവർധനയിൽ പ്രതിഷേധിച്ച് ബുധനാഴ്ച ഹോട്ടലുകളും ബേക്കറികളും അടച്ചിടും എന്ന് നേതൃത്വം അറിയിച്ചിട്ടുണ്ട്. നിലവിലെ സാഹചര്യത്തിൽ ഭക്ഷണ സാധനങ്ങളുടെ വില വർധിപ്പിക്കാൻ കഴിയാത്ത സാഹചര്യമാണുള്ളത്. ഈ നിലയിൽ ഹോട്ടലുകൾ പ്രവർത്തിക്കാൻ കഴിയാത്ത സ്ഥിതിയാണെന്നും ഹോട്ടലിലെ ജീവനക്കാരും ഉടമകളും പ്രതിസന്ധിയിൽ ആകും എന്നുമാണ് അസോസിയേഷൻ പറയുന്നത്.