വൈക്കം: തിരുവിതാംകൂർ ദേവസ്വം ബോർഡ് തെക്കുംകോവിൽ ശ്രീ ഭഗവതി ക്ഷേത്രം പുന:പ്രതിഷ്ഠാ വാർഷികം ജൂൺ 27 ശനിയാഴ്ച നടക്കും. തെക്കേനടയിലെ തെക്കും കോവിൽ ഭഗവതി ക്ഷേത്രത്തിൽ നടക്കുന്ന ചടങ്ങിന് തന്ത്രി ഭദ്രകാളി മറ്റപ്പള്ളി നാരായണൻ നമ്പൂതിരി മുഖ്യകാർമ്മികത്വം വഹിക്കും. നവകം, പഞ്ചഗവ്യം, ചാന്താട്ടം തുടങ്ങിയവ ക്ഷേത്രാചാര വിധിപ്രകാരമുള്ള ചടങ്ങുകളോടു കൂടിയാണ് പ്രതിഷ്ഠാ വാർഷികം നടത്തുന്നത്. ഭഗവത് സേവ, ഗണപതിഹോമം ചടങ്ങുകൾക്ക് ശേഷം പ്രസാദം ഊട്ട് നടക്കും.