തലയോലപറമ്പ്: ശാരീരിക മാനസിക വെല്ലുവിളികൾ നേരിടുന്ന കുട്ടികളെ സമൂഹത്തിന്റെ മുഖ്യധാരയിലെത്തിച്ച് അവർക്ക് തുല്യനീതിയും അവസരങ്ങളും ഉറപ്പാക്കാൻ ലക്ഷ്യമിട്ട് ഒരുക്കിയ സ്‌നേഹസ്പർശം ഇൻക്ലൂസീവ് കെയർ ഹബ്ബിൻ്റെ പ്രവർത്തനോദ്ഘാടനം ജലവിഭവ - ഭവനനിർമാണ വകുപ്പ് മന്ത്രി മോൻസ് ജോസഫ് ഉദ്ഘാടനം ചെയ്തു.
കെ. ബിനിമോൻ എം.എൽ.എ അധ്യക്ഷത വഹിച്ചു. തലയോലപറമ്പ് വൈക്കംമുഹമ്മദ് ബഷീർ സ്മാരക സ്‌കൂൾ വളപ്പിൽ പ്രവർത്തിക്കുന്ന
വൈക്കം ബി.ആർ.സിക്ക് കരിപ്പാടം ആർ.ബി കെയർ ഫൗണ്ടേഷൻ ചെയർമാൻ പുല്ലുവേലിൽ പി.കെ. രാജു വാണ് അദ്ദേഹത്തിൻ്റെ 70-ാം പിറന്നാൾ സമ്മാനമായി 65 ലക്ഷം രൂപ വിനിയോഗിച്ച് പ്രൊജക്റ്റ് പൂർത്തിയാക്കി നൽകിയത്.
കഴിഞ്ഞ 13 വർഷങ്ങളായി ബി.ആർ.സിയിൽ നടന്നു വന്നിരുന്ന ഒക്കുപ്പേഷണൽ തെറാപ്പി, സ്പെഷ്യൽ എഡ്യൂക്കേഷൻ സെൻസറി ഇൻ്റഗ്രേഷൻ ട്രെയിനിംഗ്, ഫിസിയൊതെറാപ്പി, സ്പീച്ച് തെറാപ്പി എന്നിവ ഇനി ഏറ്റവും ഫലപ്രദമായി ഇവിടെ ചെയ്യാനാകും.
മൾട്ടി സെൻസറി പാർക്കിൻ്റെ ഉദ്ഘാടനം പഞ്ചായത്ത് പ്രസിഡൻ്റ് ജോസ് വേലിക്കകവും ഒക്യുപേഷണൽ തെറാപ്പി പാർക്ക് ഉദ്ഘാടനം കടുത്തുരുത്തി ബ്ലോക്ക് പഞ്ചായത്ത് പ്രസിഡൻ്റ് തങ്കമ്മ വർഗീസും നിർവഹിച്ചു. കോട്ടയം ഡി.ഡി.ഇ. ഹണി ജി. അലക്‌സാണ്ടർ, എസ്.എസ്.കെ കോട്ടയം ജില്ലാ കോ-ഓർഡിനേറ്റർ ധന്യ പി.വാസു, വിദ്യാകിരണം ജില്ലാ കോ-ഓർഡിനേറ്റർ കെ.ജെ. പ്രസാദ്, വൈക്കം ബി.പി.സി എം.ആർ.രാധിക, ത്രിതല പഞ്ചായത്ത് അംഗങ്ങൾ, ആർ.ബി കെയർ ഫൗണ്ടേഷൻ കോ- ഓർഡിനേറ്റർമാരായ അജിത് പ്രകാശ്, കെ.എസ്. സാബു
തുടങ്ങിയവർ പ്രസംഗിച്ചു.