വൈക്കം: ടി.വി. പുരം ഗ്രാമ പഞ്ചായത്തിന്റെയും കൃഷിഭവന്റെയും സംയുക്താഭിമുഖ്യത്തിൽ കർഷക സഭയും ഞാറ്റുവേല ചന്തയും സംഘടിപ്പിച്ചു. ടി.വി. പുരം ഗ്രാമപഞ്ചായത്ത് പ്രസിഡന്റ് എസ് ബിജു ഞാറ്റുവേല ചന്ത ഉദ്ഘാടനം ചെയ്തു. ചെമ്മനത്തുകര സ്മാർട്ട് കൃഷിഭവനിൽ വച്ചു നടന്ന ചടങ്ങിൽ വൈസ് പ്രസിഡന്റ് അനിയമ്മ അശോകൻ അദ്ധ്യക്ഷത വഹിച്ചു. വികസനകാര്യ സ്റ്റാൻഡിങ് കമ്മറ്റി ചെയർപേഴ്സൺ പി.കെ ബേബി, ബ്ലോക്ക് പഞ്ചായത്ത് മെമ്പർ ജീന തോമസ്, മെമ്പർമാരായ ദീപാ ബിജു, ഗീത പ്രകാശൻ, വി.കെ ശ്രീകുമാർ, ബിനി സുരേഷ്, മായാ റോയ്, ശ്രുതി രൂപേഷ്, കൃഷി ഓഫീസർ ചൈതന്യ എന്നിവർ പ്രസംഗിച്ചു.