തെരുവ് നായ ആക്രമണത്തിൽ മധ്യമപ്രവർത്തകന് പരുക്ക്

വൈക്കം: തെരുവ് നായ ആക്രമണത്തിൽ മധ്യമപ്രവർത്തകന് പരുക്ക്. സുപ്രഭാതം കൊച്ചി യുണിറ്റ് സബ് എഡിറ്റർ കിരൺ പുരുഷോത്തമനെയാണ് പിറവം റോഡ് റെയിൽവെ സ്റ്റേഷനു സമീപം അഞ്ചോളം നായ്ക്കൾ കൂട്ടമായി ആക്രമിച്ചത്. രാവിലെ 10.30 ഓടെയാണ് സംഭവം.

റെയിൽവേ സ്റ്റേഷനിൽ പാർക്ക് ചെയ്തിരുന്ന ബൈക്ക് കേടായതിനെ തുടർന്ന് നന്നാക്കുന്നതിനായി അടുത്തുള്ള വർക്ക്ഷോപ്പിലേക്ക് പോകുമ്പോളായിരുന്നു ആക്രമണം. കുട്ടത്തോടെയുള്ള നായ്ക്കളുടെ ആക്രമണത്തിൽ കിരണിൻ്റെ കാലിന് വലത് തുടയിൽ കടിയേറ്റു. അക്രമണം കണ്ട് ആളുകൾ ഓടിക്കുടിയപ്പോൾ നായ്ക്കൾ പിൻവാങ്ങുകയായിരുന്നു. പരുക്കേറ്റ കിരൺ വെള്ളൂർ ഹെൽത്ത് സെൻ്ററിലും തുടർന്ന് വൈക്കം താലൂക്ക് ആശുപത്രിയിലും ചികിത്സ തേടി.