തലയോലപ്പറമ്പ് സെന്റ്‌ ജോർജ് പള്ളിയിൽ നിത്യ സഹായ മാതാവിന്റെ നൊവേന തിരുന്നാളിന് കൊടിയേറി

തലയോലപ്പറമ്പ്: തലയോലപ്പറമ്പ് സെന്റ്‌ ജോർജ് പള്ളിയിൽ നിത്യ സഹായ മാതാവിന്റെ നൊവേന തിരുന്നാളിന് കൊടിയേറി. ഇടവക വികാരി റവ. ഫാദർ സേവ്യർ ആവള്ളിൽ ആണ് കൊടിയേറ്റിയത്. റവ. ഫാദർ ഷിജോ കോനുപറമ്പൻ വിശുദ്ധ കുർബാനയ്ക്ക് കാർമ്മികത്വം വഹിച്ചു. ഇന്ന് മുതൽ 16 വരെ തീയതികളിൽ വൈകിട്ട് 4.30നു ജപമാല ഉണ്ടാകും. അഞ്ച് മണിക്ക് വിശുദ്ധ കുർബാന, ലദീഞ്ഞു, നൊവേന എന്നീ ചടങ്ങുകൾ നടക്കും. നൊവേന ദിവസങ്ങളിലെ തിരുകർമങ്ങൾക്ക് റവ. ഫാദർ വിനു മുളവരിയ്ക്കൽ, റവ. ഫാദർ ഷിബു ചാത്തനാട്ട്, റവ. ഫാദർസോളമൻ കരേടൻ, റവ. ഫാദർ അലക്സ് മേക്കാംതുരുത്തി, റവ. ഫാദർ ഡിനോ മാണിക്യത്താൻ, റവ. ഫാദർ സെബാസ്റ്റ്യൻ ചേന്നാപ്പള്ളി, റവ. ഫാദർ ജോസഫ് മേച്ചേരി, റവ. ഫാദർ ടോജോ വാഴയിൽ, റവ. ഫാദർ ഫ്രെഡ്‌ഡി കോട്ടൂർ എന്നിവർ കാർമ്മികരാകും. തിരുന്നാൾ ആഘോഷ ദിനങ്ങളിൽ പ്രദക്ഷിണവും ഉണ്ടായിരിക്കും. തിരുനാൾ ഒരുക്കങ്ങൾ പൂർത്തിയായതായി ഇടവക വികാരി റവ. ഫാദർ സേവ്യർ ആവള്ളിൽ, അസിസ്റ്റന്റ് വികാരി റവ. ഫാദർ ആൽജോ കളപ്പുരയ്ക്കൽ, ട്രസ്റ്റിമാരായ റിൻസൺ പന്നിക്കോടൻ, തങ്കച്ചൻ കളമ്പുകാട്ട് എന്നിവർ അറിയിച്ചു.