വൈക്കം: ഉദയനാപുരം പഞ്ചായത്ത് ആറാം വാർഡിൽ വടയാർ ചിറപ്പുറം ഭാഗത്ത് തീരമിടിഞ്ഞ സ്ഥലം ജനപ്രതിനിധികൾ സന്ദർശിച്ചു. വൈക്കം ബ്ലോക്ക് പഞ്ചായത്ത് പ്രസിഡൻ്റ് കെ.കെ. ശശികുമാർ, ഉദയനാപുരം പഞ്ചായത്ത് പ്രസിഡൻ്റ് കെ.ജി. രാജു, ജില്ലാ പഞ്ചായത്തംഗം ആനന്ദ് ബാബു, മുൻ എം.എൽ.എ സി.കെ ആശ എന്നിവരുടെ നേതൃത്വത്തിലുള്ള ജനപ്രതിനിധികളാണ് അപകടാവസ്ഥ വിലയിരുത്താൻ സ്ഥലത്തെത്തിയത്. പഞ്ചായത്ത് അംഗങ്ങളായ പി.വി. ഹരികുട്ടൻ, കെ. ദീപേഷ്, സാബു മാളിയേക്കൽ, ആജിഷാ ഉദയകുമാർ, ടി.ടി സെബാസ്റ്റ്യൻ എന്നിവരും ഒപ്പമുണ്ടായിരുന്നു. റോഡ് അടക്കം വിള്ളൽ വീണ് ഇവിടം അപകടാവസ്ഥയിലായത് ഇന്നലെ രാവിലെയായിരുന്നു. വൈദ്യുതി പോസ്റ്റുകളടക്കമാണ് തീരം ഇടിഞ്ഞ് പുഴയിൽ വീണത്. നിലവിൽ നിരവധി വൈദ്യുതി പോസ്റ്റുകളുടക്കം പുഴയിൽ വീഴുന്ന സ്ഥിതിയിലാണ്.