തലയോലപ്പറമ്പിൽ തണ്ണീർപ്പന്തലൊരുക്കി കുടുംബശ്രീ പ്രവർത്തകർ

തലയോലപ്പറമ്പ്: വേനൽ ചൂടിൽ ആശ്വാസം പകർന്ന് പൊതു ജനങ്ങൾക്കായി മോരും വെള്ള വിതരണവുമായി തലയോലപ്പറമ്പിൽ കുടുംബശ്രീ പ്രവർത്തകർ തണ്ണീർ പന്തലൊരുക്കി. തലയോലപ്പറമ്പ് - വൈക്കം റോഡിൽ എസ്.ബിഐക്കു മുന്നിലാണ് തണ്ണീർപ്പന്തൽ ഒരുക്കിയിട്ടുള്ളത്. രാവിലെ 11 മണിക്ക് ആരംഭിക്കുന്ന തണ്ണീർ പന്തലിൽ 25 ലിറ്റർ മോരും വെള്ളമാണ് വിതരണം ചെയ്യുന്നത്.
ബാങ്കു ജീവനക്കാർക്ക് മോരും വെള്ളം നൽകി തലയോലപ്പറമ്പു പഞ്ചായത്ത് സി.ഡി.എസ് ചെയർപേഴ്സൺ പ്രിയ പ്രദീപ് തണ്ണീർപന്തൽ ഉദ്ഘാടനം ചെയ്തു.
വൈസ് ചെയർപേഴ്സൺ ഷീലാ ദിലീപ്, കെ.എം. ലത, എ.പി. ജീന മോൾ, ഒന്നാം വാർഡ് എ.ഡി.എസ് അംഗങ്ങൾ, സി.ഡി.എസ് അംഗങ്ങൾ എന്നിവർ നേതൃത്വം നൽകി.