ട്യുട്ടോസ്- പുത്തൻ ആപ്പുമായി വൈക്കം സ്വദേശിയായ ഡോ. ശ്രീനാഥ് വിജയകുമാർ

വൈക്കം: ഇന്ത്യയിലെ ആദ്യത്തെ എ.ഐ അധിഷ്ടിത തൽക്ഷണ സംശയനിവാരണ ആപ്പ്  വിദ്യാഭ്യാസമന്ത്രി ധർമ്മേന്ദ്ര പ്രധാൻ രാജ്യത്തിന് സമർപ്പിച്ചു. ഐ.ഐ.ടി പാലക്കാടിലെ റെവിൻ ടെക്‌നോ സൊല്യൂഷൻസ് പ്രൈവറ്റ് ലിമിറ്റഡ് എന്ന സ്റ്റാർട്ടപ്പാണ് ആപ്പിന് പിന്നിൽ. പാലക്കാട് ഐ.ഐ.ടി യിലെ അസോസിയേറ്റ് പ്രൊഫസർ ഡോ. ശ്രീനാഥ് വിജയകുമാറിന്റെയും ഗുവാഹത്തിയിലെ അസിസ്റ്റന്റ് പ്രൊഫസർ ഡോ. സത്യജിത് ദാസിന്റെയും മേൽനോട്ടത്തിലായിരുന്നു ആപ്പ് നിർമ്മാണം. വൈക്കം ഉദയനാപുരം വത്സലാ നിവാസിൽ ആർ.വിജയകുമാർ വത്സല ദമ്പതികളുടെ ഇളയ മകനാണ് ഡോ. ശ്രീനാഥ് വിജയകുമാർ. ഐ.ഐ.ടി പാലക്കാട് ഡയറക്ടർ പ്രൊഫ. ശേഷാദ്രി ശേഖർ, ഐ.ഐ.ടി പാലക്കാട് അസോസിയേറ്റ് പ്രൊഫസർ ഡോ. ശ്രീനാഥ് വിജയകുമാർ എന്നിവർ ചടങ്ങിൽ സന്നിഹിതരായി. ടെക്സ്റ്റ്, ശബ്ദം അല്ലെങ്കിൽ ചിത്രം വഴി തൽക്ഷണ സംശയ നിവാരണം, ദൈനംദിന പരിശീലന സെഷനുകളും ഇഷ്ടാനുസൃത പഠന മൊഡ്യൂളുകളും, പ്രചോദനവും ആരോഗ്യകരമായ മത്സരവും വളർത്തുന്നതിനുള്ള ഗാമിഫൈഡ് പ്റോഗ്റസ് ലീഡർ ബോർഡുകൾ, വിഷയാടിസ്ഥാനത്തിലുള്ള സാർട്ട് നോട്ട്ബുക്കുകൾ, ലോഎൻഡ് സ്മാർട്ട്‌ഫോണുകളിൽ തടസ്സമില്ലാതെ പ്രവർത്തിക്കാൻ ഓഫ്‌ളൈൻ സൗഹൃദ ഡിസൈൻ എന്നിവ ആപ്പിന്റെ പ്രത്യേകതകളിൽ ചിലത് മാത്രമാണ്.

റെവിന്റെ ഔട്ട്റീച്ച് പ്രോഗ്രാമുകളിലൊന്നിൽ ഒരു ഗ്രാമീണ കർഷകൻ ഉന്നയിച്ച ചോദ്യത്തിൽ നിന്നാണ് ട്യൂട്ടോസിന് പിന്നിലെ ആശയം ഉടലെടുത്തത്: 'എന്റെ കുട്ടിക്ക് എപ്പോഴെങ്കിലും ദേശീയ പ്രാധാന്യമുള്ള ഒരു സ്ഥാപനത്തിൽ പഠിക്കാനും രാഷ്ട്രനിർമ്മാണത്തിൽ സഹായിക്കാനും അവസരം ലഭിക്കുമോ?' ഈ ചോദ്യം സ്ഥാപകരിൽ ആഴത്തിൽ പ്രതിധ്വനിക്കുകയും ഇന്ത്യയിലുടനീളമുള്ള ദശലക്ഷക്കണക്കിന് കുടുംബങ്ങളുടെ സ്വപ്നങ്ങളെ കുറിച്ച് മനസിലാക്കുവാനും സഹായിച്ചു. കുട്ടികൾക്ക് മികച്ച ഭാവി സ്വപ്നം കാണുന്ന, എന്നാൽ ഭൂമിശാസ്ത്രം, അവസരം, പ്രവേശനം എന്നിവയുടെ തടസ്സങ്ങൾ നേരിടുന്ന കുടുംബങ്ങൾ. ഈ വൈകാരിക നിമിഷം ട്യൂട്ടോസെന്ന ആപ്പിന്റെ സൃഷ്ടിക്ക് കാരണമായി അതിരുകൾ ലംഘിക്കുന്ന, ഓരോ വിദ്യാർത്ഥിയെയും ശാക്തീകരിക്കുന്ന, ഒരു പഠിതാവും പിന്നോട്ട് പോകുന്നില്ലെന്ന് ഉറപ്പാക്കുന്ന ഒരു പ്ലാറ്റ്‌ഫോം സൃഷ്ടിക്കുകയെന്ന ലക്ഷ്യത്തിലാണ് ആപ്പ് നിർമ്മിച്ചത്.